Kompaniia qyzmetkerleri saǵat 10.00-de ǵimaratqa basyp kirgen 30-ǵa jýyq betperdeli, qarýly adamdar barlyǵyn jerge jyǵyp, birneshe saǵat boiy tintý júrgizgenderin aitady. Kompaniia qujattaryn alyp, telefondardy, kompiýterlerdi aqtarǵan, al qyzmetkerler jarty kúnnen astam edende jatqan.
Oqiǵa týraly estigen Orda.kz tilshileri kompaniia ofisine baryp, tintýdiń ústinen túsken. Kúshtik qurylymdar jýrnalisterdi ishke jibermegen, basshylarmen sóilespek bolǵan áreketterinen eshteme shyqpaǵan. «Komandirdiń shyqqysy kelmeidi» dep jaýap bergen, videoǵa túsirýge tiym salatynyn, kamerany shaǵatynyn aitqan.
Esik aldynda júrgen kompaniianyń kommertsiialyq direktory Oleg Shibiakinniń aitýynsha tintý zańdy tekserýge qaraǵanda reiderlik basyp alýǵa kóbirek uqsaǵan.
«Meni basshy shaqyryp, seifti ashyp, ishindegilerdi kórsetýdi buiyrdy. Telefonymdy eshqandai aktsiz tartyp aldy. Seiften eshteme tappaǵan soń, bosatyp jiberdi. Bolyp jatqannyń bári esirtki barondaryn ustaýǵa uqsaidy. Biz esirtki qoimasy emes, áýe kompaniiasymyz. Munyń bári kompaniianyń burynǵy basshysy Vladimir Anmen bailanysty dep oilaimyn. Bular nege Prezidenttiń sózine qarsy áreket jasaidy. Menińshe bul jerde bireýdiń qyzyǵýshylyǵy bar», deidi ol.
Kásipkerdiń aityp otyrǵany jaqynda Memleket basshysy quqyq qorǵaý organdary qyzmetindegi kemshilikterdi synǵa alyp, biznespen jumys isteý kezinde eski tásilderge jol berilmeýi kerek ekenin atap ótken edi.
«Naýqanshyldyqqa salynyp, asyra silteýge múlde bolmaidy. Eger mundai oqiǵalar anyqtalsa, arnaiy tekserý júrgiziledi. Tiisti baǵa beriledi. 2019 jyly óz Joldaýymda bizneske zańsyz kedergi keltirý memleket múddesine qarsy baǵyttalǵan qylmys retinde qarastyrylatynyn aittym. Bul – Bas prokýratýranyń mindeti», degen Qasym-Jomart Toqaev.
Saǵat 10.00-de bastalǵan tintý 16.40-ta aiaqtalǵan. Jýrnalister sodan keiin ǵana keńse ishine kirip, tintýdiń saldaryn kórgen. Keńsede jýrnalisterdi FlyJet-tiń bas direktory Andrei Kiseliov qarsy alyp, máseleniń mán-jaiyn túsindirgen.
«Olar júgirip kirgende, sypaiy qarsy alyp, qandai máselemen kelgenin suradym. Sózge kelmei birden edenge jatqyzyp, qolymnan tartyp, súirei bastady. Kommertsiialyq bólimnen, býhgalterlerden kompiýterlerdi tárkiledi», deidi FlyJet kompaniiasynyń bas direktory Andrei Kisilev.
«Quqyq qorǵaý organdarynyń kelgeninen shoktamyn. Biz biznesmenbiz, naqty óz jumysymyzben ainalysamyz. Meniń oiymsha, bul reiderlik basyp alý, olai bolmaǵan kúnniń ózinde soǵan qatty uqsaidy. Bizdi 12 jyl ýaqytymyzdy arnaǵan súiikti jumysymyzdan aiyrdy. Biznes bedelge qurylady. Dál osylai alyp, joqqa shyǵara salýǵa bolmaidy. Biz bárin anyqtap, shara qabyldaǵymyz keledi», deidi FlyJet kommertsiialyq direktory Oleg Shebiakin.
Belgili bolǵandai, quqyq qorǵaý organdarynyń qyzmetkerleri FlyJet keńsesinen birneshe qorap qujatty alyp shyqqan. Naqty neni alyp ketkenin jáne barlyǵyn qaida alyp ketkenin áýe kompaniiasynyń zańgeri bilmeidi. Kompaniia basshylyǵy tintýdiń sebepterin anyqtaýǵa tyrysýda. Oqiǵa ornyna prokýrorlardy shaqyrǵan. Dese de, kompaniia ókilderi munyń barlyǵyn burynǵy bas direktory Vladimir Anmen bailanystyryp otyr.
Kompaniia qyzmetkerleriniń aitýynsha olardy «Iri kólemde bopsalaý» boiynsha aiyptap otyr. Alaida naqty qandai aiyp taǵylǵany belgisiz. Olarǵa is materialdarymen aldaǵy ýaqytta tanysýǵa bolady degen.
Keiin belgili bolǵandai bul is boiynsha tergeý tobynyń jetekshisi, QR IIM ortalyq apparatynyń Tergeý departamentiniń tergeýshisi E. Erejepov, al keńsede tintýdi tergeýshi A.Kýlbaev bastaǵan top júrgizgen.
QR IIM FlyJet keńsesin tintý boiynsha aqparat taratpady.
