كومپانييا قىزمەتكەرلەرٸ ساعات 10.00-دە عيماراتقا باسىپ كٸرگەن 30-عا جۋىق بەتپەردەلٸ, قارۋلى ادامدار بارلىعىن جەرگە جىعىپ, بٸرنەشە ساعات بويى تٸنتۋ جٷرگٸزگەندەرٸن ايتادى. كومپانييا قۇجاتتارىن الىپ, تەلەفونداردى, كومپيۋتەرلەردٸ اقتارعان, ال قىزمەتكەرلەر جارتى كٷننەن استام ەدەندە جاتقان.
وقيعا تۋرالى ەستٸگەن Orda.kz تٸلشٸلەرٸ كومپانييا وفيسٸنە بارىپ, تٸنتۋدٸڭ ٷستٸنەن تٷسكەن. كٷشتٸك قۇرىلىمدار جۋرناليستەردٸ ٸشكە جٸبەرمەگەن, باسشىلارمەن سٶيلەسپەك بولعان ەرەكەتتەرٸنەن ەشتەمە شىقپاعان. «كومانديردٸڭ شىققىسى كەلمەيدٸ» دەپ جاۋاپ بەرگەن, ۆيدەوعا تٷسٸرۋگە تيىم سالاتىنىن, كامەرانى شاعاتىنىن ايتقان.
ەسٸك الدىندا جٷرگەن كومپانييانىڭ كوممەرتسييالىق ديرەكتورى ولەگ شيبياكيننٸڭ ايتۋىنشا تٸنتۋ زاڭدى تەكسەرۋگە قاراعاندا رەيدەرلٸك باسىپ الۋعا كٶبٸرەك ۇقساعان.
«مەنٸ باسشى شاقىرىپ, سەيفتٸ اشىپ, ٸشٸندەگٸلەردٸ كٶرسەتۋدٸ بۇيىردى. تەلەفونىمدى ەشقانداي اكتسٸز تارتىپ الدى. سەيفتەن ەشتەمە تاپپاعان سوڭ, بوساتىپ جٸبەردٸ. بولىپ جاتقاننىڭ بەرٸ ەسٸرتكٸ باروندارىن ۇستاۋعا ۇقسايدى. بٸز ەسٸرتكٸ قويماسى ەمەس, ەۋە كومپانيياسىمىز. مۇنىڭ بەرٸ كومپانييانىڭ بۇرىنعى باسشىسى ۆلاديمير انمەن بايلانىستى دەپ ويلايمىن. بۇلار نەگە پرەزيدەنتتٸڭ سٶزٸنە قارسى ەرەكەت جاسايدى. مەنٸڭشە بۇل جەردە بٸرەۋدٸڭ قىزىعۋشىلىعى بار», دەيدٸ ول.
كەسٸپكەردٸڭ ايتىپ وتىرعانى جاقىندا مەملەكەت باسشىسى قۇقىق قورعاۋ ورگاندارى قىزمەتٸندەگٸ كەمشٸلٸكتەردٸ سىنعا الىپ, بيزنەسپەن جۇمىس ٸستەۋ كەزٸندە ەسكٸ تەسٸلدەرگە جول بەرٸلمەۋٸ كەرەك ەكەنٸن اتاپ ٶتكەن ەدٸ.
«ناۋقانشىلدىققا سالىنىپ, اسىرا سٸلتەۋگە مٷلدە بولمايدى. ەگەر مۇنداي وقيعالار انىقتالسا, ارنايى تەكسەرۋ جٷرگٸزٸلەدٸ. تيٸستٸ باعا بەرٸلەدٸ. 2019 جىلى ٶز جولداۋىمدا بيزنەسكە زاڭسىز كەدەرگٸ كەلتٸرۋ مەملەكەت مٷددەسٸنە قارسى باعىتتالعان قىلمىس رەتٸندە قاراستىرىلاتىنىن ايتتىم. بۇل – باس پروكۋراتۋرانىڭ مٸندەتٸ», دەگەن قاسىم-جومارت توقاەۆ.
ساعات 10.00-دە باستالعان تٸنتۋ 16.40-تا اياقتالعان. جۋرناليستەر سودان كەيٸن عانا كەڭسە ٸشٸنە كٸرٸپ, تٸنتۋدٸڭ سالدارىن كٶرگەن. كەڭسەدە جۋرناليستەردٸ FlyJet-تٸڭ باس ديرەكتورى اندرەي كيسەليوۆ قارسى الىپ, مەسەلەنٸڭ مەن-جايىن تٷسٸندٸرگەن.
«ولار جٷگٸرٸپ كٸرگەندە, سىپايى قارسى الىپ, قانداي مەسەلەمەن كەلگەنٸن سۇرادىم. سٶزگە كەلمەي بٸردەن ەدەنگە جاتقىزىپ, قولىمنان تارتىپ, سٷيرەي باستادى. كوممەرتسييالىق بٶلٸمنەن, بۋحگالتەرلەردەن كومپيۋتەرلەردٸ تەركٸلەدٸ», دەيدٸ FlyJet كومپانيياسىنىڭ باس ديرەكتورى اندرەي كيسيلەۆ.
«قۇقىق قورعاۋ ورگاندارىنىڭ كەلگەنٸنەن شوكتامىن. بٸز بيزنەسمەنبٸز, ناقتى ٶز جۇمىسىمىزبەن اينالىسامىز. مەنٸڭ ويىمشا, بۇل رەيدەرلٸك باسىپ الۋ, ولاي بولماعان كٷننٸڭ ٶزٸندە سوعان قاتتى ۇقسايدى. بٸزدٸ 12 جىل ۋاقىتىمىزدى ارناعان سٷيٸكتٸ جۇمىسىمىزدان ايىردى. بيزنەس بەدەلگە قۇرىلادى. دەل وسىلاي الىپ, جوققا شىعارا سالۋعا بولمايدى. بٸز بەرٸن انىقتاپ, شارا قابىلداعىمىز كەلەدٸ», دەيدٸ FlyJet كوممەرتسييالىق ديرەكتورى ولەگ شەبياكين.
بەلگٸلٸ بولعانداي, قۇقىق قورعاۋ ورگاندارىنىڭ قىزمەتكەرلەرٸ FlyJet كەڭسەسٸنەن بٸرنەشە قوراپ قۇجاتتى الىپ شىققان. ناقتى نەنٸ الىپ كەتكەنٸن جەنە بارلىعىن قايدا الىپ كەتكەنٸن ەۋە كومپانيياسىنىڭ زاڭگەرٸ بٸلمەيدٸ. كومپانييا باسشىلىعى تٸنتۋدٸڭ سەبەپتەرٸن انىقتاۋعا تىرىسۋدا. وقيعا ورنىنا پروكۋرورلاردى شاقىرعان. دەسە دە, كومپانييا ٶكٸلدەرٸ مۇنىڭ بارلىعىن بۇرىنعى باس ديرەكتورى ۆلاديمير انمەن بايلانىستىرىپ وتىر.
كومپانييا قىزمەتكەرلەرٸنٸڭ ايتۋىنشا ولاردى «ٸرٸ كٶلەمدە بوپسالاۋ» بويىنشا ايىپتاپ وتىر. الايدا ناقتى قانداي ايىپ تاعىلعانى بەلگٸسٸز. ولارعا ٸس ماتەريالدارىمەن الداعى ۋاقىتتا تانىسۋعا بولادى دەگەن.
كەيٸن بەلگٸلٸ بولعانداي بۇل ٸس بويىنشا تەرگەۋ توبىنىڭ جەتەكشٸسٸ, قر ٸٸم ورتالىق اپپاراتىنىڭ تەرگەۋ دەپارتامەنتٸنٸڭ تەرگەۋشٸسٸ ە. ەرەجەپوۆ, ال كەڭسەدە تٸنتۋدٸ تەرگەۋشٸ ا.كۋلباەۆ باستاعان توپ جٷرگٸزگەن.
قر ٸٸم FlyJet كەڭسەسٸن تٸنتۋ بويىنشا اقپارات تاراتپادى.
