FlyArystan áýekompaniiasynyń taǵy bir ushaǵy Semeige jetpei, Almatyǵa qaita kelgen. Bul týraly jýrnalist Rýslan Ótepbai áleýmettik jelidegi paraqshasynda aitty, dep habarlaidy dalanews.kz.
Onyń sózinshe, Semeige jetýge 40 minýt ýaqyt qalǵanda ushaq tehnikalyq sebepterge bailanysty Almaty áýejaiyna qaita qonǵan. Osylaisha, 150 adam qaita áýejaiǵa kirgen.
"Ardaqty aǵaiyn, issaparmen Semeige keldim. Biraq bul sapardyń bastalýy ońai bolǵan joq. Áýejaida tirkeýden ótip, ushaqqa jaiǵastyq. FlyArystan bul joly bizdi tańǵaldyryp, ýaqytynda ushty. Bári jospar boiynsha kele jatqandai edi… Alaida Semeige jetýge 1 saǵat qalǵanda, kútpegen jaǵdai boldy. Oqiǵa biz kútpegen baǵytta órbidi", - dedi ol.
Jýrnalistiń sózinshe, úsh jarym saǵattan keiin ushaq qaita ushqan. Ol Semeige jalpy on saǵatta jetkenin aitty. Áýekompaniia bul jaǵdaiǵa qatysty ázirge pikir bildirgen joq.
Eske salaiyq, buǵan deiin FlyArystan ushaǵy Pavlodarǵa da jete almai, Almatyǵa keri qaitty.
