Ulttyq qaýipsizdik komiteti munai ónimderin Qazaqstan Respýblikasynan tys jerlerge zańsyz eksporttaýmen ainalysqan uiymdasqan toptyń áreketiniń jolyn kesti, dep habarlaidy dalanews.kz.
Tergeý derekterine sáikes, qylmystyq shemany uiymdastyrýshy Mańǵystaý oblysynyń kásipkeri jer qoinaýyn paidalanýshy kompaniialarmen shiki munai satyp alýǵa, keiinnen munai «Standart Petroleum» jáne «Mangystau Oil Refining» shaǵyn munai óńdeý zaýyttarynda óńdep, jalǵan sapa pasporttaryn resimdeýge sharttar jasasqan.
Odan ári ónim pesh otyny retinde kórsetilip, Aqtaý teńiz porty arqyly tankermen shetelge shyǵarylǵan.
2019–2023 jyldar aralyǵynda tek «Batys Nefte Trade» JShS arqyly shetelge 160 myń tonnadan astam munai ónimi zańsyz eksporttalǵan. Operatsiialardyń jalpy kólemi shamamen 45 mlrd teńgege baǵalanǵan. Biyl júrgizilgen protsestik is-sharalar kesheni aiasynda qylmystyq is figýranttarynyń aktivteri, sondai-aq shaǵyn munai óńdeý zaýyttary, tanker jáne ózge de múlik tárkilendi.
Jalpy, zańsyz alynǵan kirister men tólenbegen salyqtar boiynsha 2 mlrd teńgeden astam qarajat memleket kirisine óndirildi.
Buǵan deiin Aqtaý qalalyq sotynyń úkimimen uiymdasqan qylmystyq toptyń bes qatysýshysy, onyń ishinde shaǵyn munai óńdeý zaýyttary men treiderlik kompaniianyń basshylary Qazaqstan Respýblikasy Qylmystyq kodeksiniń 234-babynyń 3-bóligi jáne 262-babynyń 2-bóligi boiynsha 8 jylǵa bas bostandyǵynan aiyrylǵan.
Qylmystyq shemany uiymdastyrýshy halyqaralyq izdeýde.
