Almatyda Áigerim-1 shaǵynaýdanyndaǵy Prigorodnaia kóshesinde eki qabatty ǵimarattyń shatyry órtendi, dep habarlaidy dalanews.kz.
TJM málimetinshe, alǵashqy órt sóndirý bólimsheleri oqiǵa ornyna 7 minýt ishinde jetken. Órtsóndirýshiler kelgen kezde shatyr janyp jatqan. Metall shatyrdyń aǵash torlamasy arqyly órt tez taraǵan.
Órtsóndirýshiler tilsiz jaý kórshi úilerge taraýyna jol bermegen. Órt 180 sharshy metr aýmaqta tolyq sóndirilgen. Órtti sóndirý barysynda shatyr opyrylyp túsken.
Meditsinalyq kómek qyzmeti tórt adamdy aýrýhanaǵa jetkizgen. Qazir olar dárigerlerdiń baqylaýynda. Órttiń shyǵý sebebi anyqtalyp jatyr.
