Almatyda zańsyz salynǵan "Jetisý-Semireche" bazaryn buzý jumystary bastaldy, dep habarlaidy dalanews.kz.
Túrksib aýdanynyń Qairat shaǵynaýdanynda ornalasqan bazardyń jalpy aýmaǵy 56 myń sharshy metrden asatyn saýda oryndaryn buzý jumystary bastalǵan. Buǵan deiin júrgizilgen tekseris barysynda "Statýs Construction" JShS ruqsat qujattarynsyz jalpy aýmaǵy 56,4 myń sharshy metr bolatyn saýda oryndaryn salǵany anyqtalǵan.
Menshik iesine ákimshilik shara qabyldanyp, zańbuzýshylyqtardy joiý týraly nusqaý berilgen. Alaida nusqaý oryndalmaǵandyqtan, basqarma Almaty qalasynyń mamandandyrylǵan aýdanaralyq ekonomikalyq sotyna júgingen. Osydan keiin sot talqylaýlary ótken.
Almaty qalalyq sotynyń qaýlysymen mamandandyrylǵan aýdanaralyq ekonomikalyq sottyń zańsyz nysandardy buzý týraly sheshimi ózgerissiz qaldy. Is materialdary sheshimdi oryndaý úshin Ádilet departamentine joldandy.
Sot sheshimin oryndaý maqsatynda menshik iesi nysandardy ózi buza bastaǵan.
