Qazaqstan men Ózbekstan arasyndaǵy kedendik yntymaqtastyqtyń jańa formaty eki eldiń kásipkerlerine ózbek tarapyndaǵy ózgerister týraly aqparatty jedel alýǵa múmkindik beredi. Bul týraly Mádi Tákiev Quryltai depýtaty Nazgúl Taýdyń suraǵyna jaýap berý kezinde aitty, dep habarlaidy dalanews.kz.
Depýtattyń aitýynsha, sońǵy jyldary Qazaqstan men Ózbekstan arasyndaǵy taýar ainalymy men logistikalyq bailanystar qarqyndy damyp keledi. Sońǵy eki jylda eki el arasyndaǵy taýar ainalymy 8 mlrd dollarǵa jetken. Osyǵan bailanysty kedendik retteý sapasyn arttyrý máselesi ózekti bolyp otyr.
Nazgúl Taý jańa kelisimge qol qoiylǵanǵa deiin eki el arasyndaǵy kedendik ózara is-qimyl qalai uiymdastyrylǵanyn, burynǵy formatta qazaqstandyq kásipkerler qandai máselelerge tap bolǵanyn jáne kelisimnen keiin qandai praktikalyq kómek ala alatynyn surady.
Mádi Tákievtiń sózinshe, Qazaqstan men Ózbekstan arasyndaǵy burynǵy kelisim 1998 jyly jasalǵan. Sonymen qatar eki eldiń ózara is-qimylyn retteitin basqa da kelisimder, sonyń ishinde Eýraziialyq ekonomikalyq odaq pen Táýelsiz Memleketter Dostastyǵy aiasyndaǵy qujattar bar.
Ministrdiń túsindirýinshe, jańa kelisimniń negizgi mindeti – taraptardyń ókildikteriniń fýnktsiialaryn aiqyndaý. Al qazaqstandyq kásipkerler úshin onyń praktikalyq mańyzy Ózbekstan tarapynan engiziletin ózgerister týraly aqparatty jedel jetkizý jáne naqtylaý bolmaq.
«Ózbekstan tarapynan kásipkerlerge qatysty jańa ózgerister bolsa, ony tez jetkizý, tez anyqtap kórsetý – eń úlken fýnktsiiasy bolady», – dedi Mádi Tákiev.
