قازاقستان مەن ٶزبەكستان اراسىنداعى كەدەندٸك ىنتىماقتاستىقتىڭ جاڭا فورماتى ەكٸ ەلدٸڭ كەسٸپكەرلەرٸنە ٶزبەك تاراپىنداعى ٶزگەرٸستەر تۋرالى اقپاراتتى جەدەل الۋعا مٷمكٸندٸك بەرەدٸ. بۇل تۋرالى مەدي تەكيەۆ قۇرىلتاي دەپۋتاتى نازگٷل تاۋدىڭ سۇراعىنا جاۋاپ بەرۋ كەزٸندە ايتتى, دەپ حابارلايدى dalanews.kz.
دەپۋتاتتىڭ ايتۋىنشا, سوڭعى جىلدارى قازاقستان مەن ٶزبەكستان اراسىنداعى تاۋار اينالىمى مەن لوگيستيكالىق بايلانىستار قارقىندى دامىپ كەلەدٸ. سوڭعى ەكٸ جىلدا ەكٸ ەل اراسىنداعى تاۋار اينالىمى 8 ملرد دوللارعا جەتكەن. وسىعان بايلانىستى كەدەندٸك رەتتەۋ ساپاسىن ارتتىرۋ مەسەلەسٸ ٶزەكتٸ بولىپ وتىر.
نازگٷل تاۋ جاڭا كەلٸسٸمگە قول قويىلعانعا دەيٸن ەكٸ ەل اراسىنداعى كەدەندٸك ٶزارا ٸس-قيمىل قالاي ۇيىمداستىرىلعانىن, بۇرىنعى فورماتتا قازاقستاندىق كەسٸپكەرلەر قانداي مەسەلەلەرگە تاپ بولعانىن جەنە كەلٸسٸمنەن كەيٸن قانداي پراكتيكالىق كٶمەك الا الاتىنىن سۇرادى.
مەدي تەكيەۆتٸڭ سٶزٸنشە, قازاقستان مەن ٶزبەكستان اراسىنداعى بۇرىنعى كەلٸسٸم 1998 جىلى جاسالعان. سونىمەن قاتار ەكٸ ەلدٸڭ ٶزارا ٸس-قيمىلىن رەتتەيتٸن باسقا دا كەلٸسٸمدەر, سونىڭ ٸشٸندە ەۋرازييالىق ەكونوميكالىق وداق پەن تەۋەلسٸز مەملەكەتتەر دوستاستىعى اياسىنداعى قۇجاتتار بار.
مينيستردٸڭ تٷسٸندٸرۋٸنشە, جاڭا كەلٸسٸمنٸڭ نەگٸزگٸ مٸندەتٸ – تاراپتاردىڭ ٶكٸلدٸكتەرٸنٸڭ فۋنكتسييالارىن ايقىنداۋ. ال قازاقستاندىق كەسٸپكەرلەر ٷشٸن ونىڭ پراكتيكالىق ماڭىزى ٶزبەكستان تاراپىنان ەنگٸزٸلەتٸن ٶزگەرٸستەر تۋرالى اقپاراتتى جەدەل جەتكٸزۋ جەنە ناقتىلاۋ بولماق.
«ٶزبەكستان تاراپىنان كەسٸپكەرلەرگە قاتىستى جاڭا ٶزگەرٸستەر بولسا, ونى تەز جەتكٸزۋ, تەز انىقتاپ كٶرسەتۋ – ەڭ ٷلكەن فۋنكتسيياسى بولادى», – دەدٸ مەدي تەكيەۆ.
