الماتىدا زاڭسىز سالىنعان "جەتٸسۋ-سەميرەچە" بازارىن بۇزۋ جۇمىستارى باستالدى

الماتىدا زاڭسىز سالىنعان "جەتٸسۋ-سەميرەچە" بازارىن بۇزۋ جۇمىستارى باستالدى, دەپ حابارلايدى dalanews.kz.

تٷركسٸب اۋدانىنىڭ قايرات شاعىناۋدانىندا ورنالاسقان بازاردىڭ جالپى اۋماعى 56 مىڭ شارشى مەتردەن اساتىن ساۋدا ورىندارىن بۇزۋ جۇمىستارى باستالعان. بۇعان دەيٸن جٷرگٸزٸلگەن تەكسەرٸس بارىسىندا "ستاتۋس Construction" جشس رۇقسات قۇجاتتارىنسىز جالپى اۋماعى 56,4 مىڭ شارشى مەتر بولاتىن ساۋدا ورىندارىن سالعانى انىقتالعان.

مەنشٸك يەسٸنە ەكٸمشٸلٸك شارا قابىلدانىپ, زاڭبۇزۋشىلىقتاردى جويۋ تۋرالى نۇسقاۋ بەرٸلگەن. الايدا نۇسقاۋ ورىندالماعاندىقتان, باسقارما الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا جٷگٸنگەن. وسىدان كەيٸن سوت تالقىلاۋلارى ٶتكەن.

الماتى قالالىق سوتىنىڭ قاۋلىسىمەن مامانداندىرىلعان اۋدانارالىق ەكونوميكالىق سوتتىڭ زاڭسىز نىسانداردى بۇزۋ تۋرالى شەشٸمٸ ٶزگەرٸسسٸز قالدى. ٸس ماتەريالدارى شەشٸمدٸ ورىنداۋ ٷشٸن ەدٸلەت دەپارتامەنتٸنە جولداندى.

سوت شەشٸمٸن ورىنداۋ ماقساتىندا مەنشٸك يەسٸ نىسانداردى ٶزٸ بۇزا باستاعان.