ماڭعىستاۋ وبلىسى قاراقييا اۋدانىندا كاسپيي تەڭٸزٸ جاعالاۋىنا بەكٸرە تۇقىمداس 173 بالىقتىڭ ٶلەكسەسٸ شىعىپ قالعان, دەپ حابارلايدى dalanews.kz.
وبلىستىق بالىق ينسپەكتسيياسى باسقارماسى مەلٸمەتٸنشە, 20 قازاندا ماماندار "ٶمٸر گلەمپينگ" دەمالىس بازاسىنان پەسچانىي مٷيٸسٸنە دەيٸنگٸ, ودان ەرٸ قۇرىق پورتىنا دەيٸنگٸ جاعالاۋدى تەكسەرگەن. نەتيجەسٸندە 15 شاقىرىم اۋماقتان 173 بالىقتىڭ ٶلەكسەسٸ تابىلعان. ولار بٸر جەرگە ٷيٸلٸپ قالماي, جاعالاۋدا شاشىراپ جاتقان.
مامانداردىڭ بولجامىنشا, قاتتى باتىس جەلٸ ٶلٸ بالىقتاردى جاعاعا شىعارعان. ولاردىڭ جۇمساق تٸندەرٸنەن گيستولوگييالىق جەنە توكسيكولوگييالىق زەرتتەۋلەرگە سىناما الۋ مٷمكٸن بولماعان.
"وسىعان بايلانىستى بالىقتاردىڭ قىرىلۋ سەبەبٸن انىقتاۋ مٷمكٸن ەمەس. سىرتتاي تەكسەرۋ كەزٸندە ولاردان بالىق اۋلاۋ تورلارىنىڭ ٸزدەرٸ, سونداي-اق, اۋىز قۋىسىنان قارماق قۇرالدارىنان قالعان تەسٸلگەن ٸزدەر انىقتالعان جوق", - دەدٸ بالىق ينسپەكتسيياسى باسقارماسى ٶكٸلدەرٸ.
قازٸر ماماندار تەڭٸز سۋىنان سىناما الىپ جاتىر. ٶلەكسەلەردٸ جيناۋ, تاسىمالداۋ جەنە جويۋ جۇمىستارى دا جٷرگٸزٸلٸپ جاتىر. وقيعا تۋرالى قاراقييا اۋداندىق پوليتسيياسىنا, ماڭعىستاۋ وبلىسىنىڭ ەكولوگييا دەپارتامەنتٸنە جەنە جەرگٸلٸكتٸ اتقارۋشى ورگاندارعا حابارلانعان.
