الماتىدا «شكولنيك» تۇرعىن ٷي كووپەراتيۆٸنٸڭ تٶراعاسى ۆاسيليي ناۋموۆ كووپەراتيۆكە تيەسٸلٸ جەر تەلٸمدەرٸن زاڭسىز ساتقانى ٷشٸن بەس جىلعا باس بوستاندىعىنان ايىرىلدى, دەپ حابارلايدى dalanews.kz.
بۇل تۋرالى جۋرناليست ميحايل كوزاچكوۆ جازدى.
جۋرناليستٸڭ مەلٸمەتٸنشە, «شكولنيك» كووپەراتيۆٸ شامامەن 30 جىل بۇرىن قۇرىلعان. ونى اۋعان سوعىسىنىڭ ارداگەرٸ ۆاسيليي ناۋموۆ باسقارعان. ول بۇعان دەيٸن شارۋاشىلىقتى تيٸمدٸ ۇيىمداستىراتىن باسشى رەتٸندە تانىلىپ, بۇقارالىق اقپارات قۇرالدارىنا سۇحبات بەرگەن. الايدا جاعداي 2025 جىلى ٶزگەرگەن. الماتىداعى اقساي-1ا شاعىناۋدانىنداعى بٸرنەشە ٷيدٸڭ تۇرعىندارى كووپەراتيۆكە تيەسٸلٸ بوس جاتقان جەر تەلٸمٸنٸڭ قۇرىلىس جۇمىستارى ٷشٸن قورشالعانىن بايقاعان.
بۇل جەر ۋچاسكەسٸ كووپەراتيۆ قۇرامىنا كٸرگەن بەس كٶپقاباتتى ٷيمەن بٸرگە ونىڭ مەنشٸگٸنە ٶتكەن. اۋماعى شامامەن ەكٸ گەكتار بولاتىن بوس جەردٸ قالاي پايدالانۋعا بولاتىنىن تۇرعىندار بٸرنەشە جىل بويى شەشە الماعان. جۋرناليستٸڭ جازۋىنشا, تۇرعىندار جەردٸ ساتۋعا ەشكٸمگە رۇقسات بەرمەگەن.
وسىدان كەيٸن ولار قۇرىلىسقا كٸمنٸڭ رۇقسات بەرگەنٸن انىقتاۋ ٷشٸن الماتى قالاسىنىڭ پروكۋراتۋراسىنا جٷگٸنگەن. پروكۋراتۋرا جەر قاتىناستارى سالاسىنداعى جاۋاپتى ورگاندارعا كووپەراتيۆكە تيەسٸلٸ اۋماقتىڭ قالايشا جەكە مەنشٸككە ٶتكەنٸن تەكسەرۋدٸ تاپسىرعان.
جەر ۋچاسكەلەرٸ قالاي ساتىلعان?
تەكسەرۋ بارىسىندا جەردٸڭ جەكە مەنشٸككە ۆاسيليي ناۋموۆتىڭ ەرەكەتتەرٸنەن كەيٸن ٶتكەنٸ انىقتالعان. ونىڭ اتىنان جالپى جينالىستىڭ حاتتاماسى رەسٸمدەلٸپ, باستاپقى جەر تەلٸمٸ ٷش بٶلٸككە بٶلٸنگەن. كەيٸن ولاردىڭ ەكەۋٸ ساتىلعان. ميحايل كوزاچكوۆتىڭ مەلٸمەتٸنشە, بۇل ٸسكە ناۋموۆتىڭ كٷيەۋ بالاسى دا كٶمەكتەسكەن. ساتىلعان جەر ۋچاسكەلەرٸنٸڭ بٸرٸن ونىڭ قىزى, ەكٸنشٸسٸن دوسى ساتىپ العان.
پروكۋراتۋرا ٶكٸلدەرٸ كووپەراتيۆ تۇرعىندارىنان جاۋاپ العان كەزدە, ولاردىڭ ەشقايسىسى جەردٸڭ تاعدىرى تالقىلانعان جينالىسقا قاتىسپاعانىن جەنە حاتتاماعا قول قويماعانىن ايتقان. وسىلايشا, جەردٸ بٶلۋگە جەنە ساتۋعا نەگٸز بولعان قۇجاتتىڭ قولدان جاسالعانى انىقتالعان. وسى جاعدايدان كەيٸن ۆاسيليي ناۋموۆقا الاياقتىق جاسادى دەگەن ايىپ تاعىلعان.
سوت قانداي شەشٸم شىعاردى?
سوت وتىرىسىندا ناۋموۆ ٶز ەرەكەتٸن كووپەراتيۆتٸڭ مٷددەسٸ ٷشٸن جاساعانىن ايتقان. الايدا جۋرناليستٸڭ حابارلاۋىنشا, ول جەر تەلٸمدەرٸ ٷشٸن اقشانى ٶزٸ العانىن ايتپاعان. الماتى قالالىق سوتى ناۋموۆتى كٸنەلٸ دەپ تانىپ, جالپى رەجيمدەگٸ كولونييادا بەس جىلعا باس بوستاندىعىنان ايىرۋ تۋرالى ٷكٸم شىعارعان. ٷكٸم زاڭدى كٷشٸنە ەنگەن.
سونىمەن قاتار جەر ۋچاسكەلەرٸنە سالىنعان تىيىم ازاماتتىق تەرتٸپپەن قارالاتىن داۋلار اياقتالعانعا دەيٸن ساقتالعان.
