قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ نەمەرەسٸ, كەسٸپكەر نۇرالى ەليەۆ رۋحاني تەجٸريبەلەرٸ مەن ٶمٸردەن ٶتكەن جاقىندارى تۋرالى اشىق ەڭگٸمەلەدٸ. ول قايتىس بولعان تۋىستارىنىڭ رۋحىمەن كەزدەسكەندەي ەسەر العانىن ايتقان. الايدا كەسٸپكەردٸڭ ەكٸ ساعاتقا سوزىلعان سۇحباتى كەيٸن YouTube پلاتفورماسىندا قولجەتٸمسٸز بولىپ قالدى, دەپ حابارلايدى dalanews.kz.
نۇرالى ەليەۆ قازاقستاندىق كەسٸپكەر ەسەل ماشانوۆانىڭ پودكاستىنا قاتىسىپ, جەكە ٶمٸرٸ, دٸني سەنٸمٸ جەنە سوڭعى جىلدارى اينالىسىپ جٷرگەن رۋحاني ٸزدەنٸستەرٸ تۋرالى بايانداعان.
كەسٸپكەر بۇل تاقىرىپتارعا قىزىعۋشىلىعىنىڭ قالاي باستالعانىن دا تٷسٸندٸردٸ.
"ٸنٸمدٸ ەمدەۋدٸڭ جولىن ٸزدەدٸم"
نۇرالى ەليەۆتٸڭ ايتۋىنشا, ونىڭ دەستٷرلٸ ەمەس رۋحاني تەجٸريبەلەرگە دەن قويۋىنا مارقۇم ٸنٸسٸ ايسۇلتان نازارباەۆتىڭ جاعدايى ەسەر ەتكەن.
ايسۇلتان كٶزٸ تٸرٸسٸندە ەسٸرتكٸگە تەۋەلدٸلٸك مەسەلەسٸمەن كٷرەسكەن. اعاسى وعان كٶمەكتەسۋدٸڭ تٷرلٸ جولدارىن قاراستىرىپ, وسى ٸزدەنٸس بارىسىندا پسيحودەليكالىق تەجٸريبەلەرگە قىزىعۋشىلىق تانىتقانىن جەتكٸزدٸ.
"مەن ٷشٸن بۇل, سٶزسٸز, ٸزدەنٸس بولدى. ەڭ الدىمەن, قازٸر ارامىزدا جوق ٸنٸمدٸ ەمدەۋدٸڭ جولىن ٸزدەدٸم", – دەگەن نۇرالى ەليەۆ.
ايتا كەتەيٸك, ايسۇلتان نازارباەۆ 2020 جىلدىڭ تامىزىندا لوندوندا 29 جاسىندا قايتىس بولدى. ۇلىبريتانييادا جٷرگٸزٸلگەن ساراپتاما ونىڭ ٶلٸمٸنە كوكايننەن ۋلانۋ سالدارىنان جٷرەكتٸڭ توقتاۋى سەبەپ بولعانىن انىقتاعان.
"ٶمٸردەن ٶتكەن تۋىستارىممەن كەزدەستٸم"
سۇحباتتىڭ كٶپشٸلٸك نازارىن اۋدارعان تۇسى – نۇرالى ەليەۆتٸڭ ەرەكشە رۋحاني تەجٸريبەلەرٸ تۋرالى ەڭگٸمەسٸ.
كەسٸپكەر وڭتٷستٸك امەريكاداعى كەيبٸر دەستٷرلٸ رەسٸمدەردە قولدانىلاتىن اياۆاسكا اتتى پسيحوبەلسەندٸ سۋسىنعا قاتىستى تەجٸريبەسٸن بايانداعان.
ونىڭ ايتۋىنشا, مۇنداي تەجٸريبەگە قاتىسپاس بۇرىن پسيحودەليكالىق زاتتار تۋرالى شامامەن بەس جىل بويى اقپارات جيناپ, زەرتتەگەن.
سونداي-اق ول ٷش تەۋلٸك بويى تولىق قاراڭعىلىقتا, سىرتقى ورتامەن بايلانىسسىز بولعانىن ايتقان.
نۇرالى ەليەۆتٸڭ سٶزٸنشە, وسى ۋاقىتتا ٶزٸن ٶمٸردەن ٶتكەن جاقىندارىمەن كەزدەسكەندەي سەزٸنگەن.
"مەن ٶمٸردەن ٶتكەن تۋىستارىممەن كەزدەستٸم. ولاردىڭ ٶزدەرٸ ەكەنٸن, ولاردىڭ رۋحى ەكەنٸن انىق سەزٸندٸم", – دەگەن كەسٸپكەر.
دەگەنمەن مۇنداي سەزٸمدەر مەن ەلەستەردٸ قايتىس بولعان ادامداردىڭ رۋحىمەن شىنايى كەزدەسۋ دەپ عىلىمي تۇرعىدان راستاۋعا نەگٸز جوق. پسيحوبەلسەندٸ زاتتار ادامنىڭ قابىلداۋىنا جەنە سانا كٷيٸنە ەسەر ەتۋٸ مٷمكٸن.
نۇرالى ەليەۆ دەستٷرلٸ ەمەس تەجٸريبەلەرگە قىزىعۋشىلىق تانىتقانىمەن, ٶزٸن مۇسىلمان سانايتىنىن, مەشٸتكە بارىپ, ناماز وقيتىنىن دا جەتكٸزگەن.
ەكٸ ساعاتتىق سۇحبات نەگە ٶشٸرٸلدٸ?
كەسٸپكەردٸڭ ەسەل ماشانوۆاعا بەرگەن كٶلەمدٸ سۇحباتى YouTube پلاتفورماسىندا جارييالانعان.
الايدا كەيٸن بەينەجازبا قولجەتٸمسٸز بولىپ قالعان.
سۇحباتتىڭ نەلٸكتەن جوعالعانى بەلگٸسٸز. ونى اۆتوردىڭ ٶزٸ الىپ تاستاعانى ما, ەلدە باسقا سەبەپ بولعانى ما – بۇل جٶنٸندە راستالعان اقپارات جوق.
سۇحبات اۆتورى مەن نۇرالى ەليەۆ تاراپىنان بەينەجازبانىڭ قولجەتٸمسٸز بولۋىنا قاتىستى تٷسٸنٸكتەمە جارييالانباعان.
نۇرالى ەليەۆ كٸم?
نۇرالى ەليەۆ – قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ ٷلكەن نەمەرەسٸ, داريعا نازارباەۆا مەن مارقۇم راحات ەليەۆتٸڭ تۇڭعىش ۇلى.
ول 1985 جىلى دٷنيەگە كەلگەن. ەڭبەك جولىندا قارجى جەنە كەسٸپكەرلٸك سالالارىندا جۇمىس ٸستەپ, "نۇربانك" جٷيەسٸندە باسشىلىق قىزمەتتەر اتقارعان.
2014 جىلدىڭ جەلتوقسانىندا استانا قالاسى ەكٸمٸنٸڭ ورىنباسارى بولىپ تاعايىندالدى. كەيٸن مەملەكەتتٸك قىزمەتتەن كەتٸپ, كەسٸپكەرلٸكپەن اينالىستى.
نۇرالى ەليەۆتٸڭ ەسٸمٸ Forbes Kazakhstan باسىلىمى جارييالايتىن اۋقاتتى كەسٸپكەرلەر تٸزٸمٸندە دە اتالعان.
سوڭعى جىلدارى ول رۋحاني دامۋ, مەديتاتسييا جەنە ادامنىڭ ٸشكٸ جان دٷنيەسٸندەگٸ ٶزگەرٸستەر تۋرالى كٶپشٸلٸك الدىندا پٸكٸر بٸلدٸرٸپ جٷر.
