Astanada jedel qyzmetkerlerdiń kózine túsken "Pepe" internet-dúkeni arqyly elordada esirtkini taratýdyń arnasy turaqty túrde jumys jasaǵan, dep habarlaidy dalanews.kz.
Jedel-izdestirý is-sharalary kesheniniń nátijesinde politsiia Memlekettik kúzet qyzmetimen birlesip, jaldamaly páterlerde bir ýaqytta jasy 30-dan asqan bes er adamdy ustady. Qylmystyq syzba "uiymdastyrýshy - býyp túiýshi - qoimashy - esirtki jasyrýshy" ierarhiiasy boiynsha áreket etken. Figýranttar táýlik boiy esirtki tutynýshylardy marihýana, gashish, kannabis shaiyry jáne taǵy da basqa kannabis tobynyń esirtkilerimen qamtamasyz etken.
Usynylǵan assortimentte kannabis shaiyry salynǵan pecheneler bolǵan. Árqaisysynyń salmaǵy 100 grammnan bolatyn 238 dana erekshe konditerlik ónim tárkilendi. Kúdiktilerdiń turǵylyqty jerleri boiynsha júrgizilgen tintý is-sharalary barysynda 12 kg-ǵa jýyq túrli esirtki zattary, onyń ishinde 8 kg-nan astam marihýana, 1,5 kg gashish jáne 2 kg kannabis shaiyry tárkilendi. Budan bólek, iri kólemdegi qolma-qol aqsha, bank kartalary, uialy telefondar, elektrondy tarazylar, briketter, vakýýmdaý men ólshep-oraýǵa arnalǵan qurylǵylar, túrli-tústi oqshaýlaǵysh taspalar jáne ózge de zattai dáleldemeler tárkilendi. Ustalǵandarǵa qatysty Qazaqstan Respýblikasy Qylmystyq kodeksiniń 297-baby boiynsha sotqa deiingi tergep-tekserý bastaldy. Kúdiktiler qamaýǵa alyndy. IIM esirtki biznesin uiymdastyrýshylarǵa jáne esirtki jetkizý arnalaryna qarsy maqsatty is-sharalardy jalǵastyrady, - dedi IIM esirtki qylmysyna qarsy komitetiniń basqarma bastyǵy Baqytjan Ámirhanov.
