FlyArystan áýe kompaniiasynyń Almatydan Pavlodarǵa baǵyt alǵan FS-7131 reisi 2026 jylǵy 20 qazanda mejeli áýejaiǵa qonbai, Almatyǵa qaita oraldy. Al Pavlodardan Almatyǵa ushýy tiis FS-7132 reisi toqtatyldy, dep habarlaidy dalanews.kz.
Áýe kompaniiasynyń málimetinshe, reisterdiń ózgerýine aýa raiynyń qolaisyzdyǵy sebep bolǵan. Pavlodarda jaýyn-shashyn kútilgendikten, ushaqtyń muz qatýdan qorǵaityn arnaiy suiyqtyqpen óńdelýi qajet edi. Alaida Pavlodar áýejaiynda mundai qyzmetti kórsetý múmkin bolmaǵan.
Osyǵan bailanysty jolaýshylardyń qaýipsizdigin qamtamasyz etý maqsatynda áýe kemesin Almatyǵa qaitarý týraly sheshim qabyldanǵan.
Kompaniia jolaýshylarǵa biletterin bos oryn bolǵan jaǵdaida eń jaqyn reiske bir ret tegin aýystyrýdy nemese bilet qunyn tolyq qaitaryp alýdy usynady. Reisterdiń qaita oryndalý ýaqyty týraly qosymsha habarlanady.
