Astanalyq 39 jýrnalist Quryltai tóraǵasy Aibek Dádebaiǵa ujymdyq hat joldap, brifingterde talqylanyp jatqan otyrystyń taqyrybynan tys suraq qoiýǵa múmkindik berýdi surady, dep habarlaidy dalanews.kz.
Jýrnalisterdiń haty e-Ótinish júiesi arqyly jiberilgen. Olar Quryltai Biýrosy qyrkúiek aiynda bekitken brifing ótkizý tártibin ózgertýdi usynyp otyr.
Qoldanystaǵy erejege sáikes, spikerlerge tek otyrystyń kún tártibine qatysty suraqtar qoiýǵa bolady. Sonyń saldarynan ministr nemese onyń orynbasary brifingke qatysqanymen, jýrnalister odan depýtattar jańa ǵana talqylaǵan taqyryp boiynsha ǵana surai alady.
Erejeni buzǵan jaǵdaida baspasóz qyzmeti tiisti derekti tirkeidi. Ekinshi ret tártip buzǵan jýrnalist alty aiǵa akkreditatsiiasynan aiyrylýy múmkin. Alaida qandai suraqtyń taqyryptan tys sanalatyny naqty túsindirilmegen. Bul máseleni brifing moderatory sheshedi.
Jýrnalister qoldanystaǵy tártipke birqatar ózgeris engizýdi usyndy. Atap aitqanda, spikerdiń quzyretine kiretin máseleler boiynsha suraq qoiýǵa ruqsat berýdi suraidy. Sondai-aq taqyryptan tys suraq qoiýdy tártip buzýshylyq dep eseptemeýdi usynady, óitkeni spiker jaýap berýden bas tarta alady.
Budan bólek, jýrnalister tártip buzýshylyqtar jazbasha túrde tirkelip, jýrnalistke óz ustanymyn túsindirýge múmkindik berilýi kerek dep esepteidi.
Hat avtorlary Quryltai tóraǵasynyń jaýabyn kútip otyr.
