Elorda ákimdiginde habardy teriske shyǵardy.
«Jelide Qazaqstannyń narazylyq bildirgen qalalarynyń turǵyndary úshin elordada vizalyq rejim engizilip jatyr degen jalǵan habarlama taralýda. Astana ákimdigi bul aqparat shyndyqqa janaspaidy dep habarlaidy. Jalǵan aqparatty taratý Qazaqstan Respýblikasynyń zańnamasyna sáikes jaýapkershilikke ákep soǵatynyn eske salamyz», - delingen Astana ákimdiginiń habarlamasynda.
Sondai-aq, taraǵan habarlamanyń qainar kózi Instagram-daǵy QazNews24 satiralyq akkaýnty ekenin atap ótemiz.
Atalǵan paraqshanyń anyqtamasynda oidan shyǵarylǵan, iaǵni shyndyqqa janaspaityn, qisynǵa kelmeitin aqparattar jariialanatyny aitylǵan.
