Farhat Sársekeev "Damý" kásipkerlikti damytý qory" AQ tóraǵasy bolyp taǵaiyndaldy. Ol buǵan deiin alty jyl osy laýazymda bolǵan Gaýhar Býribaevanyń ornyn basty, dep habarlaidy Dalanews.kz.
"Báiterek" holdinginiń Basqarma tóraǵasynyń orynbasary Jandos Shaihy "Damý" qorynyń ujymyna jańa Basqarma tóraǵasyn tanystyrdy", delingen qordyń baspasóz qyzmeti taratqan habarlamada.
Farhat Sársekeev 1984 jyly týǵan. Q. I. Sátbaev atyndaǵy Qazaq ulttyq tehnikalyq ýniversitetin jáne Qazaq Eńbek jáne áleýmettik qatynastar akademiiasyn bitirgen.
Eńbek jolyn 2005 jyly bank sektorynda bastaǵan. Qyzmetiniń ár jyldary "Qazkommertsbank", "Demir Bank" Qazaqstan" AQ, ATF Bank, "Qazaqstannyń Damý Banki", "Sberbank" AQ syndy irgeli qarjy institýttarynda túrli laýazymdy atqardy. 2018 jyly "Damý" kásipkerlikti damytý qory AQ Basqarýshy direktory , 2019-2023 jyldary – "Damý" kásipkerlikti damytý qory" AQ Basqarma tóraǵasynyń orynbasary bolǵan.
Al buǵan deiin 2023 jyldan bastap osy ýaqytqa deiin "Fridom Bank Qazaqstan" AQ Korporativtik biznes jónindegi basqarýshy direktory bolyp qyzmet atqarǵan.
Buǵan deiin Qazaqstanda Ulttyq qordan bólingen aqshany tekseretin arnaiy komissiia qaita jumysyna kiriskenin habarlaǵanbyz.
