فارحات سارسەكەيەۆ "دامۋ" كاسىپكەرلىكتى دامىتۋ قورى" اق ءتوراعاسى بولىپ تاعايىندالدى. ول بۇعان دەيىن التى جىل وسى لاۋازىمدا بولعان گاۋھار بۋريبايەۆانىڭ ورنىن باستى، دەپ حابارلايدى Dalanews.kz.
"بايتەرەك" حولدينگىنىڭ باسقارما ءتوراعاسىنىڭ ورىنباسارى جاندوس شايحى "دامۋ" قورىنىڭ ۇجىمىنا جاڭا باسقارما ءتوراعاسىن تانىستىردى"، دەلىنگەن قوردىڭ باسپا ءسوز قىزمەتى تاراتقان حابارلامادا.
فارحات سارسەكەيەۆ 1984 جىلى تۋعان. ق. ي. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن جانە قازاق ەڭبەك جانە الەۋمەتتىك قاتىناستار اكادەمياسىن بىتىرگەن.
ەڭبەك جولىن 2005 جىلى بانك سەكتورىندا باستاعان. قىزمەتىنىڭ ءار جىلدارى "قازكوممەرسبانك"، "دەمير بانك" قازاقستان" اق، اتف بانك، "قازاقستاننىڭ دامۋ بانكى"، "سبەربانك" اق سىندى ىرگەلى قارجى ينستيتۋتتارىندا ءتۇرلى لاۋازىمدى اتقاردى. 2018 جىلى "دامۋ" كاسىپكەرلىكتى دامىتۋ قورى اق باسقارۋشى ديرەكتورى ، 2019-2023 جىلدارى – "دامۋ" كاسىپكەرلىكتى دامىتۋ قورى" اق باسقارما ءتوراعاسىنىڭ ورىنباسارى بولعان.
ال بۇعان دەيىن 2023 جىلدان باستاپ وسى ۋاقىتقا دەيىن "فريدوم بانك قازاقستان" اق كورپوراتيۆتىك بيزنەس جونىندەگى باسقارۋشى ديرەكتورى بولىپ قىزمەت اتقارعان.
بۇعان دەيىن قازاقستاندا ۇلتتىق قوردان بولىنگەن اقشانى تەكسەرەتىن ارنايى كوميسسيا قايتا جۇمىسىنا كىرىسكەنىن حابارلاعانبىز.
