Eýroodaq shekarasynda Qazaqstannan jóneltilgen suiytylǵan munai gazy (SMG) tielgen júzden astam tsisterna turyp qaldy. Bul týraly Dalanews.kz tilshisi munai-gaz salasynyń sarapshysy Oleg Chervinskiidiń málimetine silteme jasap habarlaidy.
Eýroodaq "reseilik gaz bolýy múmkin" degen kúdikpen tekserýdi kúsheitken
Sarapshynyń aitýynsha, Polsha men Belarýs shekarasyndaǵy Brest-Ortalyq, Brest-Shyǵys jáne Baranovichi-Ortalyq shekaralyq beketterinde "Teńizshevroil" óndirgen suiytylǵan gaz tielgen kemi 100-den astam vagon-tsisterna jinalyp qalǵan. Polsha kedenshileri gazdyń naqty Qazaqstanda óndirilgenin rastaityn qujattardy suratýda. Sebebi EO 2024 jyldan bastap reseilik SMG-nyń tasymalyna tyiym engizgen. Endi Reseige irgeles elderden keletin kez kelgen SMG kúsheitilgen tártipte tekseriledi.
"Qazaqstannyń "sanktsiialardy ainalyp ótýge kómektesedi" degen kúdikke iligýi kedergi keltirýde. Eýroodaq keden organdary "Qazaq gazy" degen atpen Reseide óndirilgen gaz tasymaldanýy múmkin dep qaýiptenedi", — deidi sarapshy Oleg Chervinskii.
"Teńizshevroil" jumysyna áser etýi yqtimal
Qazaqstandyq SMG-niń Eýropaǵa óte almaýy saldarynan bos vagon-tsisternalar tapshylyǵy baiqalyp jatyr. Bul "Teńizshevroil" siiaqty iri óndirýshilerdiń tasymalyna áser etýi múmkin.
"Briýsseldegi Qazaqstan elshiligi EO-nyń sanktsiialarǵa jaýapty komissarymen túsindirý jumystaryn júrgizip jatyr. Alaida ázirge nátije joq", — deidi Chervinskii.
Reseige qarsy jańa sanktsiialar: Qazaqstanda benzin qymbattaýy múmkin
Buǵan deiin Reseige qarsy jańa sanktsiialardyń kesirinen Qazaqstanda janarmai baǵasy ósýi múmkin ekeni habarlanǵan. Óitkeni shekteýler «Gazpromneft» kompaniiasynyń enshiles kásipornyna da tikelei qatysty, al onyń Qazaqstanda óz janarmai quiý beketter jelisi bar.
