Eýraziialyq turaqtandyrý jáne damý qorynyń (ETDQ) 2026 jyldyń jazyna arnalǵan óńirlik ekonomikalyq sholýynda Qazaqstan ekonomikasyna qatysty jańartylǵan boljamdar jariialandy, dep habarlaidy dalanews.kz.
Qordyń baǵalaýynsha, 2026 jyly Qazaqstan ekonomikasy 5 paiyz ósedi. Bul burynǵy boljamnan 0,2 paiyz tómen. Oǵan keibir munai ken oryndarynda óndiristiń ýaqytsha toqtaýy sebep bolǵan.
Sonymen qatar qor jyl sońyna qarai infliatsiia 9,8 paiyzǵa deiin tómendeidi dep kútedi. Buǵan deiin bul kórsetkish 10,1 paiyz bolady dep boljanǵan edi.
Sondai-aq teńge baǵamy da nyǵaiady degen boljam jasaldy. Qordyń málimetinshe, 2026 jyly dollardyń ortasha baǵamy 497 teńge bolady. Buǵan deiin bir dollar 531 teńge bolady dep kútilgen edi.
Sarapshylardyń aitýynsha, investitsiia kóleminiń artýy men munai óndirisiniń qaita ósýi Qazaqstan ekonomikasynyń turaqty damýyna túrtki bolady.
