ەۋرازييالىق تۇراقتاندىرۋ جەنە دامۋ قورىنىڭ (ەتدق) 2026 جىلدىڭ جازىنا ارنالعان ٶڭٸرلٸك ەكونوميكالىق شولۋىندا قازاقستان ەكونوميكاسىنا قاتىستى جاڭارتىلعان بولجامدار جارييالاندى, دەپ حابارلايدى dalanews.kz.
قوردىڭ باعالاۋىنشا, 2026 جىلى قازاقستان ەكونوميكاسى 5 پايىز ٶسەدٸ. بۇل بۇرىنعى بولجامنان 0,2 پايىز تٶمەن. وعان كەيبٸر مۇناي كەن ورىندارىندا ٶندٸرٸستٸڭ ۋاقىتشا توقتاۋى سەبەپ بولعان.
سونىمەن قاتار قور جىل سوڭىنا قاراي ينفلياتسييا 9,8 پايىزعا دەيٸن تٶمەندەيدٸ دەپ كٷتەدٸ. بۇعان دەيٸن بۇل كٶرسەتكٸش 10,1 پايىز بولادى دەپ بولجانعان ەدٸ.
سونداي-اق تەڭگە باعامى دا نىعايادى دەگەن بولجام جاسالدى. قوردىڭ مەلٸمەتٸنشە, 2026 جىلى دوللاردىڭ ورتاشا باعامى 497 تەڭگە بولادى. بۇعان دەيٸن بٸر دوللار 531 تەڭگە بولادى دەپ كٷتٸلگەن ەدٸ.
ساراپشىلاردىڭ ايتۋىنشا, ينۆەستيتسييا كٶلەمٸنٸڭ ارتۋى مەن مۇناي ٶندٸرٸسٸنٸڭ قايتا ٶسۋٸ قازاقستان ەكونوميكاسىنىڭ تۇراقتى دامۋىنا تٷرتكٸ بولادى.
