Atap aitqanda, 22 úi satyp alýǵa 216,8 mln teńge, 83 úige aǵymdaǵy jáne kúrdeli jóndeý júrgizýge 186,7 mln teńge bólingen.
Eskeldi aýdany ákimdiginiń derekterine qaraǵanda, jobalyq-saraptamalyq jáne smetalyq uiymmen birlesip sý basý saldarynan keltirilgen zalaldy baǵalaý jumystary júrgizilgen.
Jalpy aýdannyń aýyldyq eldi mekenderinde 105 úi, sonyń ishinde Abai aýylynda 11, Eshkiólmes aýylynda 28, Qarabulaq aýylynda 66 úi zardap shekkeni anyqtaldy. Zardap shekken úilerdiń 22-si buzylady, 83-i aǵymdaǵy jáne kúrdeli jóndeýden ótedi.
– Búgingi kúni aýdan ákimdigi 7 úi satyp aldy, úileri búlingen turǵyndar osy satyp alynǵan úilerge qonystanýda, qalǵan 15 úidi satyp alý rásimderi júrgizýdemiz. Sondai-aq, qalpyna keltirý qajet dep tapqan 83 úi ielerine tólem jasalýda. 21 qyrkúiektegi málimetke sáikes qalpyna keltirý jumystaryn júrgizý úshin 76 úidiń ielerine 173,1 mln teńge tólendi. Bul baǵyttaǵy jumystar áli de jalǵasyp jatyr, – dedi aýdan ákimdiginen.
Sonymen qatar biylǵy qyrkúiek aiynyń sońyna deiin jalpy uzyndyǵy 12,7 shauyrym bolatyn 7 kóshege jalpy somasy 688,1 mln teńgege ortasha jóndeý jumystaryn aiaqtaý josparlanyp otyr.
Búgingi tańda Eshkiólmes, Qarabulaq, Baqtybai aýyldaryndaǵy 4 kóshede jumystar aiaqtalyp, Eshkiólmes, Qaratal, Qarabulaq aýyldaryndaǵy 3 kóshede jumystar jalǵasýda.
Sondai-aq, jalpy somasy 8,7 mln teńgege Abai aýylyndaǵy Baqtybai kóshesi men Eshkiólmes aýylyndaǵy M. Tynyshbaev kóshesine jaryq ornatylýda. Kóshelerdiń jalpy uzyndyǵy – 3 shaqyrym. Bul jumystar osy jyldyń qyrkúiek aiynyń sońyna deiin aiaqtalýy tiis.
