اتاپ ايتقاندا، 22 ءۇي ساتىپ الۋعا 216،8 ملن تەڭگە، 83 ۇيگە اعىمداعى جانە كۇردەلى جوندەۋ جۇرگىزۋگە 186،7 ملن تەڭگە بولىنگەن.
ەسكەلدى اۋدانى اكىمدىگىنىڭ دەرەكتەرىنە قاراعاندا، جوبالىق-ساراپتامالىق جانە سمەتالىق ۇيىممەن بىرلەسىپ سۋ باسۋ سالدارىنان كەلتىرىلگەن زالالدى باعالاۋ جۇمىستارى جۇرگىزىلگەن.
جالپى اۋداننىڭ اۋىلدىق ەلدى مەكەندەرىندە 105 ءۇي، سونىڭ ىشىندە اباي اۋىلىندا 11، ەشكىولمەس اۋىلىندا 28، قارابۇلاق اۋىلىندا 66 ءۇي زارداپ شەككەنى انىقتالدى. زارداپ شەككەن ۇيلەردىڭ 22ء-سى بۇزىلادى، 83ء-ى اعىمداعى جانە كۇردەلى جوندەۋدەن وتەدى.
– بۇگىنگى كۇنى اۋدان اكىمدىگى 7 ءۇي ساتىپ الدى، ۇيلەرى بۇلىنگەن تۇرعىندار وسى ساتىپ الىنعان ۇيلەرگە قونىستانۋدا، قالعان 15 ءۇيدى ساتىپ الۋ راسىمدەرى جۇرگىزۋدەمىز. سونداي-اق، قالپىنا كەلتىرۋ قاجەت دەپ تاپقان 83 ءۇي يەلەرىنە تولەم جاسالۋدا. 21 قىركۇيەكتەگى مالىمەتكە سايكەس قالپىنا كەلتىرۋ جۇمىستارىن جۇرگىزۋ ءۇشىن 76 ءۇيدىڭ يەلەرىنە 173،1 ملن تەڭگە تولەندى. بۇل باعىتتاعى جۇمىستار ءالى دە جالعاسىپ جاتىر، – دەدى اۋدان اكىمدىگىنەن.
سونىمەن قاتار ەشكىولمەك، قارابۇلاق، باقتىباي اۋىلدارىنداعى كوشەلەردە جۇمىس اياقتالدى، ەشكىولمەس، قاراتال،
سونىمەن قاتار بيىلعى قىركۇيەك ايىنىڭ سوڭىنا دەيىن جالپى ۇزىندىعى 12،7 شاۇىرىم بولاتىن 7 كوشەگە جالپى سوماسى 688،1 ملن تەڭگەگە ورتاشا جوندەۋ جۇمىستارىن اياقتاۋ جوسپارلانىپ وتىر.
بۇگىنگى تاڭدا ەشكىولمەس، قارابۇلاق، باقتىباي اۋىلدارىنداعى 4 كوشەدە جۇمىستار اياقتالىپ، ەشكىولمەس، قاراتال، قارابۇلاق اۋىلدارىنداعى 3 كوشەدە جۇمىستار جالعاسۋدا.
سونداي-اق، جالپى سوماسى 8،7 ملن تەڭگەگە اباي اۋىلىنداعى باقتىباي كوشەسى مەن ەشكىولمەس اۋىلىنداعى م. تىنىشبايەۆ كوشەسىنە جارىق ورناتىلۋدا. كوشەلەردىڭ جالپى ۇزىندىعى – 3 شاقىرىم. بۇل جۇمىستار وسى جىلدىڭ قىركۇيەك ايىنىڭ سوڭىنا دەيىن اياقتالۋى ءتيىس.
