– Bizder bul joly maidan dalasynda oqqa ushqan sarbazdardy arýlap jer qoinaýyna tapsyrý rásimi bolmaitynyn túsinýimiz kerek. Resei maidan dalasynda mert bolǵan sarbazdardyń denesi salynǵan tabyttardy keri qaitarmaidy. Eshqandai janaza, eshqandai jerleý rásimi bolmaidy.
Kreml 2014 jylǵy Ýkrainamen aradaǵy soǵystan sabaq alyp, soǵys kezinde mert bolǵan sarbazdardy ózderimen birge ala shyqqan jyljymaly krematoriide órteidi, – dep jazypty Lev Shlosberg.
Osylaisha Pýtinniń jandaishaptary oqqa ushqan balasyn izdep ańyraǵan analar men ákelerdiń shý shyǵaryp, dabyra kóterýiniń aldyn alǵany málim boldy.
– Soǵysta mert bolǵandarǵa «balańyz áskeri qyzmetin ótep júrgen jerde mert boldy» dep tildei qaraly habar jóneltetin bolady. Al olardyń kúlge ainalǵan máitiniń qaida qalǵanyn áskeri operatsiiaǵa qatysqandar ǵana biledi, – deidi Lev Shlosberg.
2015 jyly Reseidiń Joǵary soty Pýtinge beibit kezeńde oryn alǵan áskeri shyǵyndy qupiialaý qatysty buiryq shyǵaryp bergen bolatyn. Pýtin osy buiyryqty paidalanatyny anyq.
