Ýkraınada orys áskeri kóptep qaza taýyp jatqany belgili. Muny Ýkraınanyń aqparat quraldary naqty dálelmen jarıalaýda. Al Reseıdiń aqparat sózine sensek, anaý aıtqandaı adam shyǵyn joq. Biraq reseılik saıasatker Lev Shlosberg óziniń Feısbýktaǵy parqshasynda orys áskeri Ýkraınaǵa attanǵanda ózderimen birge jyljymaly krematorıılerin ala ketkenin aıtty, – dep habarlaıdy Dalanews.kz.

– Bizder bul joly maıdan dalasynda oqqa ushqan sarbazdardy arýlap jer qoınaýyna tapsyrý rásimi bolmaıtynyn túsinýimiz kerek. Reseı maıdan dalasynda mert bolǵan sarbazdardyń denesi salynǵan tabyttardy keri qaıtarmaıdy. Eshqandaı janaza, eshqandaı jerleý rásimi bolmaıdy.

Kreml 2014 jylǵy Ýkraınamen aradaǵy soǵystan sabaq alyp, soǵys kezinde mert bolǵan sarbazdardy ózderimen birge ala shyqqan jyljymaly krematorııde órteıdi, – dep jazypty Lev Shlosberg.

Osylaısha Pýtınniń jandaıshaptary oqqa ushqan balasyn izdep ańyraǵan analar men ákelerdiń shý shyǵaryp, dabyra kóterýiniń aldyn alǵany málim boldy.

– Soǵysta mert bolǵandarǵa «balańyz áskerı qyzmetin ótep júrgen jerde mert boldy» dep tildeı qaraly habar jóneltetin bolady. Al olardyń kúlge aınalǵan máıtiniń qaıda qalǵanyn áskerı operasıaǵa qatysqandar ǵana biledi, – deıdi Lev Shlosberg.

2015 jyly Reseıdiń Joǵary soty Pýtınge beıbit kezeńde oryn alǵan áskerı shyǵyndy qupıalaý qatysty buıryq shyǵaryp bergen bolatyn. Pýtın osy buıyryqty paıdalanatyny anyq.