– بىزدەر بۇل جولى مايدان دالاسىندا وققا ۇشقان ساربازداردى ارۋلاپ جەر قويناۋىنا تاپسىرۋ ءراسىمى بولمايتىنىن ءتۇسىنۋىمىز كەرەك. رەسەي مايدان دالاسىندا مەرت بولعان ساربازداردىڭ دەنەسى سالىنعان تابىتتاردى كەرى قايتارمايدى. ەشقانداي جانازا، ەشقانداي جەرلەۋ ءراسىمى بولمايدى.
كرەمل 2014 جىلعى ۋكراينامەن اراداعى سوعىستان ساباق الىپ، سوعىس كەزىندە مەرت بولعان ساربازداردى وزدەرىمەن بىرگە الا شىققان جىلجىمالى كرەماتورييدە ورتەيدى، – دەپ جازىپتى ليەۆ شلوسبەرگ.
وسىلايشا ءپۋتيننىڭ جاندايشاپتارى وققا ۇشقان بالاسىن ىزدەپ اڭىراعان انالار مەن اكەلەردىڭ شۋ شىعارىپ، دابىرا كوتەرۋىنىڭ الدىن العانى ءمالىم بولدى.
– سوعىستا مەرت بولعاندارعا «بالاڭىز اسكەري قىزمەتىن وتەپ جۇرگەن جەردە مەرت بولدى» دەپ تىلدەي قارالى حابار جونەلتەتىن بولادى. ال ولاردىڭ كۇلگە اينالعان ءمايتىنىڭ قايدا قالعانىن اسكەري وپەراسياعا قاتىسقاندار عانا بىلەدى، – دەيدى ليەۆ شلوسبەرگ.
2015 جىلى رەسەيدىڭ جوعارى سوتى پۋتينگە بەيبىت كەزەڭدە ورىن العان اسكەري شىعىندى قۇپيالاۋ قاتىستى بۇيرىق شىعارىپ بەرگەن بولاتىن. پۋتين وسى بۇيىرىقتى پايدالاناتىنى انىق.
