Talǵardaǵy atyshýly qylmystyq is boiynsha sot protsesinde aiyptalýshy Azamat Toqtaýbaev "Qamajai" dúkeni aldyndaǵy jaǵdaidy egjei-tegjeili baiandady. Aitýynsha, oqiǵa bolǵan túni ol eshkimge qol kótermegen, dep habarlaidy Dalanews.kz.
Sotta prokýror Dana Sársenbai:
— Dúkenniń aldynda sizder kelgen kezde marqum Sherzat Bolattyń dostary turdy. Sol naqty kelgen úsh bala óz tarapynan sizderge soqqy kórsetti me? — dep surady.
Azamat Toqtaýbaev:
— Sherzattyń dostary bizge qarsy kelgenin bilgen joqpyn. Olar teketireske kelgen sekildi turdy. Biraq men olardy basynda Darhan Áskentaidyń dostary-inileri dep oiladym.
Prokýror:
— Solai oilasańyzdar, nege Mahmutty soqtyńyzdar?
— Men eshkimdi uryp-soqqan joqpyn.
— Sol jerde siz Sherzat Bolat Nurqiiasty urdy dep aittyńyz. Sol sátte Sherzatqa kim soqqy jasady?
— Eshkim jasaǵan joq.
— Onda Sherzat Bolat nege kelesi kóshege qarai qashty?
— Qashqanyn baiqamadym.
— Siz ol sátte qaida boldyńyz?
— "Qamajai" dúkeniniń aldynda boldym.
— Toptaǵy adamdar Sherzat Bolattyń artynan ne úshin ketti?
— Ol kezde men Qarjaýbai myrzamen sóilesip turdym. Olardyń is-áreketin baiqamadym. Videony qarasańyzdar, men kelgen mersedes kóligine qarai qashyp ketemin.
— Siz ózińiz Sherzat Bolat pen Nurqanat Ǵaiypbaevqa soqqy jasadyńyz ba? Dúkenniń aldynda nemese basqa jaqta?
— Joq, men eshkimge soqqy jasamadym. Ol jerde azamattarǵa kúsh qoldanbadym, saýsaǵymnyń ushyn da tigizbedim.
— Siz kóliktiń janyna baryp turdym dedińiz. Sonyń ainalysynan basqa adamdardy kórdińiz be?
— Kórgen joqpyn. Sebebi men ózime oq tiip ketpedi me eken dep aiaǵymdy sheship, kiimimdi qarap turdym. Qulaǵym estimei qaldy.
— Sizdermen birge kelgen eki qyz sol kezde qaida boldy?
— Baiqamadym.
— Sol jerde Sherzat Bolattyń anasyn kórdińiz be?
— Joq, men ol kezde kimniń anasy, kimniń ákesi ekenin bilmedim.
