Májilis depýtaty Ermurat Bapi ushaqta densaýlyǵy nasharlaǵany týraly aqparatqa qatysty pikir bildirdi, dep habarlaidy Dalanews.kz Ulysmediaǵa siltep.
Buǵan deiin jelide bir jolaýshynyń Almatydan Phýketke ushyp bara jatqan jolda jaǵdaiy nasharlap ketkenin, borttaǵylar Almatyǵa qaitýdy bir oilap baryp, qaitadan jolyn jalǵastyrǵanyn, jolaýshynyń jaǵdaiy jaqsarǵany jóninde aqparat taraǵan edi. Jazbada keleke etken sipatpen “ol jolaýshy Ermurat Bapi eken, sailaýshylarymen kezdesýge bara jatqan shyǵar” delingen.
Ulysmedia.kz portaly depýtatpen bailanysqa shyqty. Bapi bortta qysymy túsip ketkenin rastady. Bir jaqsysy, borttan bir dáriger tabylyp, qysymdy ólshep, stiýardessalar kofe bergen. Alaida ushaqtyń shuǵyl túrde qonatyny jóninde, shtattan tys jaǵdaiǵa sebep bolar oqiǵa bolmaǵan.
– Men Tailandqa josparlanǵan igloterapiiaǵa bara jatqanmyn. Ýaiymdamańyzdar. Bári jaqsy, – deidi ol.
Byltyr naýryzda Ermurat Bapi isinip, on bes kún aýrýhanaǵa jatyp shyqqanyn habarlaǵan edi. Ol jerde túgeldei analiz alyp, qan, baýyr, búirek, gistologiia, biopsiia, parazit, mikrobtarǵa deiin tekserip, eshteńe tappaǵan. Keiin depýtat Eýropaǵa baryp, bir ret emdelip kelgen.
