مەجٸلٸس دەپۋتاتى ەرمۇرات باپي ۇشاقتا دەنساۋلىعى ناشارلاعانى تۋرالى اقپاراتقا قاتىستى پٸكٸر بٸلدٸردٸ, دەپ حابارلايدى Dalanews.kz ۇلىسمەدياعا سٸلتەپ.
بۇعان دەيٸن جەلٸدە بٸر جولاۋشىنىڭ الماتىدان پحۋكەتكە ۇشىپ بارا جاتقان جولدا جاعدايى ناشارلاپ كەتكەنٸن, بورتتاعىلار الماتىعا قايتۋدى بٸر ويلاپ بارىپ, قايتادان جولىن جالعاستىرعانىن, جولاۋشىنىڭ جاعدايى جاقسارعانى جٶنٸندە اقپارات تاراعان ەدٸ. جازبادا كەلەكە ەتكەن سيپاتپەن “ول جولاۋشى ەرمۇرات باپي ەكەن, سايلاۋشىلارىمەن كەزدەسۋگە بارا جاتقان شىعار” دەلٸنگەن.
Ulysmedia.kz پورتالى دەپۋتاتپەن بايلانىسقا شىقتى. باپي بورتتا قىسىمى تٷسٸپ كەتكەنٸن راستادى. بٸر جاقسىسى, بورتتان بٸر دەرٸگەر تابىلىپ, قىسىمدى ٶلشەپ, ستيۋاردەسسالار كوفە بەرگەن. الايدا ۇشاقتىڭ شۇعىل تٷردە قوناتىنى جٶنٸندە, شتاتتان تىس جاعدايعا سەبەپ بولار وقيعا بولماعان.
– مەن تايلاندقا جوسپارلانعان يگلوتەراپيياعا بارا جاتقانمىن. ۋايىمداماڭىزدار. بەرٸ جاقسى, – دەيدٸ ول.
بىلتىر ناۋرىزدا ەرمۇرات باپي ٸسٸنٸپ, ون بەس كٷن اۋرۋحاناعا جاتىپ شىققانىن حابارلاعان ەدٸ. ول جەردە تٷگەلدەي اناليز الىپ, قان, باۋىر, بٷيرەك, گيستولوگييا, بيوپسييا, پارازيت, ميكروبتارعا دەيٸن تەكسەرٸپ, ەشتەڭە تاپپاعان. كەيٸن دەپۋتات ەۋروپاعا بارىپ, بٸر رەت ەمدەلٸپ كەلگەن.
