1815 jyly naýryz aiynda Antanta áskerleri Dardanel buǵazy arqyly ótpek bolǵan jolda úlken toitarysqa tap bolǵanyn tarihtan bilemiz. Shaiqasqa qatysqan 250 myń túrik áskeri otan qorǵaý jolynda janyn pida etti.
Túrik áskerleriniń keskilesken shaiqastaǵy erligi halyqtyń rýhyn kóterdi. Buǵan mysal retinde aty ańyzǵa ainalǵan Seiit onbasyn atap ótýge bolady.
Qatardaǵy jaýynger onbasy Seiit Rýmeli Medjidie fortyndaǵy artilleriiada qyzmet etetin. Urys kezinde snariad atatyn tetik buzylyp qalǵanda, Seiit jalǵyz ózi 215 keli snariadty kóterip atý alańyna ákelip ornalastyrady. Qazaq aqyn Qural Kómek dál osy sardar uldyń qaharmandyǵyn «Senim jeńisi» dep atalatyn poemasynda bylai jyrlaǵan:
«Qalsadaǵy
Sirep sarbaz qatary,
Júrekterde
Janyp jatty ot áli.
Sheginbedi, berilmedi eshkim de,
Olar úshin jalǵyz tirek Otany.
Osyndaida
Taǵdyr synar alypty,
Jeńe almas
Dushpan qaisar halyqty.
Muqalmastan, muńaimastan Seiit tur,
Zeńbirektiń jalǵyz oǵy qalypty.
Jalǵyz Alla
Jar boldy da qoldady,
Otan úshin
Boida qýat tolǵany.
Eńkeidi de
Eren kúshpen kóterdi,
215 keli bombany».
Ashylý rásiminen buryn Iýnýs Emre túrik mádeniet ortalyǵynda ashylǵan «Iýnýs Emre» hory jeńistiń qurmetine arnap, «Iemen túrkisi», shaiqasqa qatysqan 15 jasar kókórimder týraly «15 jasar bozbala» jáne «Chanakkale túrkisi» dep atalatyn shyǵarmalardy oryndaidy.
«QmD» aqparat
