Memlekettik keńesshi Erlan Qarin Qazaqstandaǵy ideologiia týraly paiymyn aitty, - dep habarlaidy Dalanews.kz.
Onyń sózinshe,elde ideologiialyq jumys negizinen eki baǵytqa jumsalady.
Birinshi baǵyt – jalpyrespýblikalyq, jalpy azamattyq deńgeidegi biregeilikti qalyptastyrýdaǵy jumystar.
"Bul jerde taǵy da Prezidentimizdiń qadap aitqan bir sózi bar: "Bizdiń qazaqstandyq biregeiliktiń birden-bir ólshemi, onyń belgisi – ol bizdiń kók pasportymyz". Bul neni bildiredi? Iaǵni, osy aýmaqta, osy jerde turyp jatqan Qazaqstan azamaty dep tanylǵan kez kelgen tulǵa ol memlekettiń qorǵaýynda, Qazaqstan Respýblikasynyń azamaty retinde tiesili barlyq quqyqtarǵa ie. Iaǵni, bul – bizdiń jalpy azamattyq biregeiliktiń ólshemi", - deidi Erlan Qarin "Bas taqyryp" baǵdarlamasyna bergen suhbatynda.
Qarinniń sózinshe, ekinshi mańyzdy ólshemi – ol ulttyq biregeiligimiz. Iaǵni, qazaqstandyq, jalpy azamattyq biregeilik ol ártúrli halyqtardyń ózara árekettesýinen qalyptasady, biraq onyń ózeginde qazaq halqynyń dástúrleri men qundylyqtary turady.
"Sondyqtan bizdiń maqsatymyz – biregeilikti kúsheitý úshin árqashanda ózimizdiń tól qundylyqtarymyzdy ári qarai damytý jáne qorǵaý. Sondyqtan da ideologiialyq jumys negizinen osy eki baǵytqa jumsalady. Biyl Prezident Atyraýda ótken Ulttyq quryltaidyń úshinshi otyrysynda qoǵamdy biriktiretin, negiz bolatyn qundylyqtardyń tizimin jariialaǵan bolatyn. Qazir sol qundylyqtardy qoǵamda ornyqtyrý jumysymen ainalysyp jatyrmyz", - dep túsindirdi Memlekettik keńesshi.
