Budan keiin bizdiń de talaǵymyz tars aiyryldy. Óitkeni biz de Gúlekeń aitqan «naqurys-idiottardyń» birimiz. Qalaǵa sińiskenimizge bar bolǵany 5-10 jyldyń júzi bolǵan shyǵar.
Sondyqtan talai qazaq apamyzdyń sózin óz aýlasyna laqtyrylǵan tas retinde qabyldaǵany anyq.
Sonda Erǵaliqyzyn ne mazalaidy deisiz ǵoi? Onyń oiynsha Almatynyń ainalasy aýyr jáne qorqynyshty konglomeratqa tolyp ketipti.
Apamyz mundai "jat elementter" elimizdiń abyroiyn asqaqtatqan chempiondardy tanymasa, pyshaqtap óltire salýdan taiynbaidy-mys. Bul jerde aljasqan Ergalieva mánerlep syrǵanaýshy Denis Tenniń ólimin meńzep turǵanyn túsindik.
Biraq Denis Ten Almatynyń shetinde emes, qalanyń qaq ortasynda pyshaqtalmady ma? Buǵan Almatynyń ainalasyndaǵy eldi-meken turǵyndarynyń ne qatysy bar? Túsiniksiz?..
Aitpaqshy, apamyz óz jazbasynda aýyl qazaǵyn marginal qylmyskerge teńeidi, olardy kórgende "aqymaqtardyń armiiasyn" kórgendei bolady eken. Qarapaiym aýyl qazaǵy Gúlekeń óshigetindei ne istep qoidy? Sol jaǵyn uqpadyq. Biraq muny jaidan-jai qaldyrýǵa bolmaidy.
– Bul aqymaqtar avtobýs júrgizýshisine shabýyl jasap, sonyń kesirinen aialdamada turǵan qarapaiym adamdar qaza tapty. Qalanyń shetinde osyndai beiadamdardyń kóp qonystanǵan – olar egeýquiryqtar siiaqty ómir súredi. 50 sharshy metr bólmede 30 adam bolyp tura beredi (quddy solardyń úiine kúnde baryp, shai iship júrgen adamdai gápiripti). Mundai adamdar qalada kúmándi jumys istep, toptasyp urlyq jasap, Almatyda sýbmádeniet qalyptastyrýda, – dep laǵyp ketipti.
Apamyzdyń osy sózinen onyń Rysqulov kóshesinen tómen qarai attap baspaǵanyna ondaǵan jyl bolǵanyn baiqaǵandai boldyq.
Baiaǵyda jarnamalyq gazetterdiń jyljymaityn múlik satatyn bóliminde «nije Rysqulova ne predlagat» degen eskertýler júrýshi edi. Sony bilik áreń qoidyryp edi. Endi Gýljan Ergaliva sol áńgimeni qaita byqsytyp, aýyl qazaǵynyń ar-namysyn aiaqqa taptap otyr.
Sóz sońynda aljasqan apamyz «Quqyq qorǵaý organdary men jergilikti bilik oryndary muny zerttep, shara qoldanýy qajet. Qalanyń ortasyndaǵy qoǵamdyq oryndarǵa tumsyǵyn tyqpasyn, Almatynyń shetindegi ózderiniń "garemderinen" aiaǵyn attap baspasyn!» – dep Almatydaǵy qazaqtardy ekige bólipti.
Iá, kúni keshe ǵana avtobýsta oryn alǵan jaǵdai bárimizdi shoshytty. Biraq osy qaiǵyly oqiǵany alǵa tartyp, tutas aýyl qazaǵyna tildeitin «Gýljan Ergalieva kto vy takaia?». Bul el ishindegi arazdyqty qozdyrý emes pe? Ergalievanyń jaýapqa tartylýyn talap etemiz!
Apamyz aýzyna kelgenin aityp, post jazǵannan keiin Almaty jastary da rolik túsirip oǵan jaýap qatty. Muny bizde qoldaimyz!
Nurlan JUMAHAN
