بۇدان كەيٸن بٸزدٸڭ دە تالاعىمىز تارس ايىرىلدى. ٶيتكەنٸ بٸز دە گٷلەكەڭ ايتقان «ناقۇرىس-يديوتتاردىڭ» بٸرٸمٸز. قالاعا سٸڭٸسكەنٸمٸزگە بار بولعانى 5-10 جىلدىڭ جٷزٸ بولعان شىعار.
سوندىقتان تالاي قازاق اپامىزدىڭ سٶزٸن ٶز اۋلاسىنا لاقتىرىلعان تاس رەتٸندە قابىلداعانى انىق.
سوندا ەرعاليقىزىن نە مازالايدى دەيسٸز عوي? ونىڭ ويىنشا الماتىنىڭ اينالاسى اۋىر جەنە قورقىنىشتى كونگلومەراتقا تولىپ كەتٸپتٸ.
اپامىز مۇنداي "جات ەلەمەنتتەر" ەلٸمٸزدٸڭ ابىرويىن اسقاقتاتقان چەمپيونداردى تانىماسا, پىشاقتاپ ٶلتٸرە سالۋدان تايىنبايدى-مىس. بۇل جەردە الجاسقان ەرگاليەۆا مەنەرلەپ سىرعاناۋشى دەنيس تەننٸڭ ٶلٸمٸن مەڭزەپ تۇرعانىن تٷسٸندٸك.
بٸراق دەنيس تەن الماتىنىڭ شەتٸندە ەمەس, قالانىڭ قاق ورتاسىندا پىشاقتالمادى ما? بۇعان الماتىنىڭ اينالاسىنداعى ەلدٸ-مەكەن تۇرعىندارىنىڭ نە قاتىسى بار? تٷسٸنٸكسٸز?..
ايتپاقشى, اپامىز ٶز جازباسىندا اۋىل قازاعىن مارگينال قىلمىسكەرگە تەڭەيدٸ, ولاردى كٶرگەندە "اقىماقتاردىڭ ارميياسىن" كٶرگەندەي بولادى ەكەن. قاراپايىم اۋىل قازاعى گٷلەكەڭ ٶشٸگەتٸندەي نە ٸستەپ قويدى? سول جاعىن ۇقپادىق. بٸراق مۇنى جايدان-جاي قالدىرۋعا بولمايدى.
– بۇل اقىماقتار اۆتوبۋس جٷرگٸزۋشٸسٸنە شابۋىل جاساپ, سونىڭ كەسٸرٸنەن ايالدامادا تۇرعان قاراپايىم ادامدار قازا تاپتى. قالانىڭ شەتٸندە وسىنداي بەيادامداردىڭ كٶپ قونىستانعان – ولار ەگەۋقۇيرىقتار سيياقتى ٶمٸر سٷرەدٸ. 50 شارشى مەتر بٶلمەدە 30 ادام بولىپ تۇرا بەرەدٸ (قۇددى سولاردىڭ ٷيٸنە كٷندە بارىپ, شاي ٸشٸپ جٷرگەن ادامداي گەپٸرٸپتٸ). مۇنداي ادامدار قالادا كٷمەندٸ جۇمىس ٸستەپ, توپتاسىپ ۇرلىق جاساپ, الماتىدا سۋبمەدەنيەت قالىپتاستىرۋدا, – دەپ لاعىپ كەتٸپتٸ.
اپامىزدىڭ وسى سٶزٸنەن ونىڭ رىسقۇلوۆ كٶشەسٸنەن تٶمەن قاراي اتتاپ باسپاعانىنا ونداعان جىل بولعانىن بايقاعانداي بولدىق.
باياعىدا جارنامالىق گازەتتەردٸڭ جىلجىمايتىن مٷلٸك ساتاتىن بٶلٸمٸندە «نيجە رىسقۇلوۆا نە پرەدلاگات» دەگەن ەسكەرتۋلەر جٷرۋشٸ ەدٸ. سونى بيلٸك ەرەڭ قويدىرىپ ەدٸ. ەندٸ گۋلجان ەرگاليۆا سول ەڭگٸمەنٸ قايتا بىقسىتىپ, اۋىل قازاعىنىڭ ار-نامىسىن اياققا تاپتاپ وتىر.
سٶز سوڭىندا الجاسقان اپامىز «قۇقىق قورعاۋ ورگاندارى مەن جەرگٸلٸكتٸ بيلٸك ورىندارى مۇنى زەرتتەپ, شارا قولدانۋى قاجەت. قالانىڭ ورتاسىنداعى قوعامدىق ورىندارعا تۇمسىعىن تىقپاسىن, الماتىنىڭ شەتٸندەگٸ ٶزدەرٸنٸڭ "گارەمدەرٸنەن" اياعىن اتتاپ باسپاسىن!» – دەپ الماتىداعى قازاقتاردى ەكٸگە بٶلٸپتٸ.
يە, كٷنٸ كەشە عانا اۆتوبۋستا ورىن العان جاعداي بەرٸمٸزدٸ شوشىتتى. بٸراق وسى قايعىلى وقيعانى العا تارتىپ, تۇتاس اۋىل قازاعىنا تٸلدەيتٸن «گۋلجان ەرگاليەۆا كتو ۆى تاكايا?». بۇل ەل ٸشٸندەگٸ ارازدىقتى قوزدىرۋ ەمەس پە? ەرگاليەۆانىڭ جاۋاپقا تارتىلۋىن تالاپ ەتەمٸز!
اپامىز اۋزىنا كەلگەنٸن ايتىپ, پوست جازعاننان كەيٸن الماتى جاستارى دا روليك تٷسٸرٸپ وعان جاۋاپ قاتتى. مۇنى بٸزدە قولدايمىز!
نۇرلان جۇماحان
