Toqaev Túrkıa prezıdentiniń Qazaqstanǵa kelýiniń mańyzdylyǵyn atap ótip, ol elder arasyndaǵy qarym-qatynastardy nyǵaıtýǵa jáne túrki álemin damytýǵa jańa serpin beretinine senim bildirdi. Ol túrik basshysyna samıt kezinde alǵa qoıǵan mańyzdy bastamalary úshin alǵys aıtty.
"Túrkıa – bizdiń baýyrlas halqymyz, sondaı-aq Qazaqstannyń eń jaqyn jáne senimdi strategıalyq seriktesi. Prezıdent myrza, aradaǵy qarym-qatynastyń damýyna úlken úles qosýdasyz. Men ony óte baǵalaımyn. Turaqty baılanystardyń arqasynda bizdiń kóptegen kelisimderimiz sátti júzege asyrylyp jatyr”, – dedi Toqaev.
El basshysynyń aıtýynsha, eki el arasyndaǵy ekijaqty taýar aınalymy 54 paıyzǵa ósip, 6,3 mıllıard dollarǵa jetti. Endi ol kórsetkishti 10 mıllıard dollarǵa deıin arttyrýdy kózdegen.
“Túrkıa – elimizdiń tórt negizgi saýda seriktesteriniń biri. Investısıalyq yntymaqtastyq ta qarqyndy damyp keledi. Elimizde túrik kapıtaly bar 4300-den astam kompanıa jumys isteıdi", – dep atap ótti prezıdent.
Sondaı-aq Erdoǵan Toqaevqa TOGG túrik elektromobılin syıǵa tartty.
Túrkıa prezıdenti Rejep Taıyp Erdoǵan Toqaevqa jańa elektromobıldi ózi kórsetti.
"Rejep Taıyp Erdoǵan qurmet belgisi retinde memleket basshysyna Túrkıada shyǵarylǵan TOGG elektromobılin syıǵa tartty", - delingen habarlamada.
https://dalanews.kz/bas-takyryp/94899-toqaev-turki-elderining-birligin-beke
