توقايەۆ تۇركيا پرەزيدەنتىنىڭ قازاقستانعا كەلۋىنىڭ ماڭىزدىلىعىن اتاپ ءوتىپ، ول ەلدەر اراسىنداعى قارىم-قاتىناستاردى نىعايتۋعا جانە تۇركى الەمىن دامىتۋعا جاڭا سەرپىن بەرەتىنىنە سەنىم ءبىلدىردى. ول تۇرىك باسشىسىنا سامميت كەزىندە العا قويعان ماڭىزدى باستامالارى ءۇشىن العىس ايتتى.
"تۇركيا – ءبىزدىڭ باۋىرلاس حالقىمىز، سونداي-اق قازاقستاننىڭ ەڭ جاقىن جانە سەنىمدى ستراتەگيالىق سەرىكتەسى. پرەزيدەنت مىرزا، اراداعى قارىم-قاتىناستىڭ دامۋىنا ۇلكەن ۇلەس قوسۋداسىز. مەن ونى وتە باعالايمىن. تۇراقتى بايلانىستاردىڭ ارقاسىندا ءبىزدىڭ كوپتەگەن كەلىسىمدەرىمىز ءساتتى جۇزەگە اسىرىلىپ جاتىر”، – دەدى توقايەۆ.
ەل باسشىسىنىڭ ايتۋىنشا، ەكى ەل اراسىنداعى ەكىجاقتى تاۋار اينالىمى 54 پايىزعا ءوسىپ، 6،3 ميلليارد دوللارعا جەتتى. ەندى ول كورسەتكىشتى 10 ميلليارد دوللارعا دەيىن ارتتىرۋدى كوزدەگەن.
“تۇركيا – ەلىمىزدىڭ ءتورت نەگىزگى ساۋدا سەرىكتەستەرىنىڭ ءبىرى. ينۆەستيسيالىق ىنتىماقتاستىق تا قارقىندى دامىپ كەلەدى. ەلىمىزدە تۇرىك كاپيتالى بار 4300-دەن استام كومپانيا جۇمىس ىستەيدى"، – دەپ اتاپ ءوتتى پرەزيدەنت.
سونداي-اق ەردوعان توقايەۆقا TOGG تۇرىك ەلەكتروموبيلىن سىيعا تارتتى.
تۇركيا پرەزيدەنتى رەجەپ تايىپ ەردوعان توقايەۆقا جاڭا ەلەكتروموبيلدى ءوزى كورسەتتى.
"رەجەپ تايىپ ەردوعان قۇرمەت بەلگىسى رەتىندە مەملەكەت باسشىسىنا تۇركيادا شىعارىلعان TOGG ەلەكتروموبيلىن سىيعا تارتتى"، - دەلىنگەن حابارلامادا.
https://dalanews.kz/bas-takyryp/94899-toqaev-turki-elderining-birligin-beke
