Almaty politsiiasy Erbolat Qudaibergenge qatysty videoǵa túsinikteme berdi,dep habarlaidy Dalanews.kz Tengrinews.kz-ke siltep.
Buǵan deiin áleýmettik jelilerde narkodispanser mańynda túsirilgen video tarady. Kadrdaǵy adam ánshi Erbolat Qudaibergen bolýy múmkin ekeni aitylǵan edi.
Almaty Politsiia departamenti tártip saqshylary er adamǵa barýyna kórshilerdiń shaǵymy sebep bolǵanyn habarlady.
"Politsiiaǵa kópqabatty úilerdiń biriniń turǵyndarynan kórshisi qoǵamdyq tártipti buzyp jatqany týraly aryz tústi. Ýchaskelik inspektor dereý oqiǵa ornyna bardy. Aqparat rastaldy: er adam agressiia kórsetip, ainalasyndaǵylardyń tynyshtyǵyna qaýip tóndirgen", - delingen habarlamada.
Osydan keiin ol meditsinalyq kýálandyrýǵa jiberilgen. Saraptama er adam psihoaktiv zattardyń áserinde bolǵanyn kórsetken.
"Meditsinalyq kórsetkishterdi eskerip, quqyqbuzýshylyqtardyń aldyn alý maqsatynda ol 15 táýlikke mamandandyrylǵan meditsinalyq mekemege ornalastyryldy", - dep málimdedi politsiia.
Sondai-aq, ustalǵan adam Ákimshilik quqyqbuzýshylyq týraly kodekstiń birneshe baby boiynsha jaýapkershilikke tartylǵan:
-
azamattardyń tynyshtyǵyn buzý;
-
psihoaktiv zattar qoldanyp, qoǵamdyq orynda júrý;
-
tirkeýsiz turý;
-
qoǵamdyq oryndarda azamattarǵa tiisý.
Politsiia dereginshe, er adam buǵan deiin de qoǵamdyq tártipti buzǵany úshin jaýapkershilikke tartylǵan.
