Megapolis basshysy óz sózinde búginde Túrksib aýdanynda injenerlik jelilerdi jańǵyrtý basty basymdyqtardyń biri bolyp qala beretinin alǵa tartty.
– Aǵymdaǵy jyldyń tamyz aiynda «Shýaqty» shaǵyn aýdanynda 400 turǵyn úidi qamtityn 10 shaqyrym sý qubyry jelisiniń jáne 7,4 shaqyrym káriz jelisiniń qurylysy aiaqtaldy. Kelesi aptadan bastap turǵyndar negizgi jelilerge qosyla bastaidy, – dedi Erbolat Dosaev.
Túrksib aýdanyndaǵy Tbilisi kóshesiniń boiyndaǵy 20 myń abonentke qyzmet kórsetetin 400 metrden astam kárizdik jol ótkeli qaita jańǵyrtylýda. Aldaǵy ýaqytta ákimdik aýdandaǵy halyq sanynyń ósýin eskerip, ótkel qurylysyn arttyrýǵa múmkindik beretindei qylyp josparlap, salyp jatyr.
Ákimniń aitýynsha, biylǵy jyldyń sońyna deiin 6670 abonentke arnalǵan «Maiak», «Jas qanat», «Nijniaia piatiletka» jáne «Zakarpatskaia kóshesi» shaǵyn aýdandarynda 153,4 shaqyrym sý qubyry men 79,4 shaqyrym káriz jelisiniń qurylysy aiaqtalady. Sonymen qatar asfalttyń tómengi qabatymen qalpyna keltirililip, ústińgi qabaty 2024 jyldyń 2 toqsanynda tóselinetinin eskertti. .
2024 jyldyń ekinshi toqsanynda «Qairat» shaǵyn aýdanda ekinshi kezeńdegi 40 shaqyrym sý qubyry jáne káriz jelilerin salý jumystary bastalady.
Sý qubyry jáne káriz jelilerin jobalaý jumystary eki aýdanda jalǵasýda.
Turaqty elektrmen qamtamasyz etý úshin «Shýaqty» shaǵyn aýdanynda, sondai-aq aǵymdaǵy jyldyń jeltoqsan aiyna deiin elektr jelilerin jańǵyrtý jumystary aiaqtaldy. Sonymen qatar «Álmerek», «Nurshashqan», «Qairat» shaǵyn aýdandaryndaǵy jeliler de jańartylady, sodan keiin turǵyndar «AJK» AQ jelileri arqyly qyzmet kórsetýge kóshedi.
– Buǵan deiin habarlaǵanymyzdai, «Tuzdybastaý» qosalqy stansasynyń qurylysy aiaqtalyp, qazir jekemenshik ýchaskelerdiń ielerimen sharty jasalýda. Olar arqyly jabdyqtaý jelileri júrgizilýde. Jumystar osy jyldyń sońyna deiin aiaqtalýy tiis, – dedi Erbolat Dosaev.
Erbolat Dosaev Túrksib aýdany turǵyndarymen kezdesýde aýdandaǵy mektep tapshylyǵy da oń sheshimin taýyp jatqanyn aitty.
Aitalyq, 1 qyrkúiekte «Qairat» móltek aýdanynda 1500 oryndyq jańa №211 mektep-gimnaziiasy oqýshylara esigin aiqara ashqan bolatyn. Budan basqa Túrksib aýdanyndaǵy №59 mektep-gimnaziiasy 300 oryndyq keńeiip, bilim ordasynyń ǵimaratyn seismikalyq kúsheitý jumystary júrgizilip jatqanyn tilge tiek etti. Jumys 2024 jyldyń 1 toqsanynda aiaqtalady.
– «Jaily mektep» ulttyq jobasy boiynsha biylǵy jyldyń tórtinshi toqsanynda 6100 oryndyq tórt jańa mekteptiń qurylysy bastalady, – dedi Erbolat Dosaev.
Aldaǵy ýaqytta Túrksib aýdannydaǵy №195 mekteptiń450 oryndy qosymsha ǵimaratynyń qurylysy bastalady. Sonymen qatar, №198 orta mektepte de keńeitip jumystary qolǵa alynyp, qosymsha 600 oryndy ǵimarat salynbaqshy. Al №50 mekteptiń ǵimaratyna seismikalyq kúsheitý jumystary júrgiziledi. Sondai-aq, seismikalyq nyǵaitý jumystary aiaqtalǵannan keiin aǵymdaǵy jyldyń qazan aiynda №70 balabaqsha-bóbekjai jumysyn qaita bastaidy. 2023 jyldyń sońyna deiin «Qairat» móltek aýdanynda 260 oryndy memlekettik balabaqshanyń qurylysy aiaqtalady.
