مەگاپوليس باسشىسى ٶز سٶزٸندە بٷگٸندە تٷركسٸب اۋدانىندا ينجەنەرلٸك جەلٸلەردٸ جاڭعىرتۋ باستى باسىمدىقتاردىڭ بٸرٸ بولىپ قالا بەرەتٸنٸن العا تارتتى.
– اعىمداعى جىلدىڭ تامىز ايىندا «شۋاقتى» شاعىن اۋدانىندا 400 تۇرعىن ٷيدٸ قامتيتىن 10 شاقىرىم سۋ قۇبىرى جەلٸسٸنٸڭ جەنە 7,4 شاقىرىم كەرٸز جەلٸسٸنٸڭ قۇرىلىسى اياقتالدى. كەلەسٸ اپتادان باستاپ تۇرعىندار نەگٸزگٸ جەلٸلەرگە قوسىلا باستايدى, – دەدٸ ەربولات دوساەۆ.
تٷركسٸب اۋدانىنداعى تبيليسي كٶشەسٸنٸڭ بويىنداعى 20 مىڭ ابونەنتكە قىزمەت كٶرسەتەتٸن 400 مەتردەن استام كەرٸزدٸك جول ٶتكەلٸ قايتا جاڭعىرتىلۋدا. الداعى ۋاقىتتا ەكٸمدٸك اۋدانداعى حالىق سانىنىڭ ٶسۋٸن ەسكەرٸپ, ٶتكەل قۇرىلىسىن ارتتىرۋعا مٷمكٸندٸك بەرەتٸندەي قىلىپ جوسپارلاپ, سالىپ جاتىر.
ەكٸمنٸڭ ايتۋىنشا, بيىلعى جىلدىڭ سوڭىنا دەيٸن 6670 ابونەنتكە ارنالعان «ماياك», «جاس قانات», «نيجنيايا پياتيلەتكا» جەنە «زاكارپاتسكايا كٶشەسٸ» شاعىن اۋداندارىندا 153,4 شاقىرىم سۋ قۇبىرى مەن 79,4 شاقىرىم كەرٸز جەلٸسٸنٸڭ قۇرىلىسى اياقتالادى. سونىمەن قاتار اسفالتتىڭ تٶمەنگٸ قاباتىمەن قالپىنا كەلتٸرٸلٸلٸپ, ٷستٸڭگٸ قاباتى 2024 جىلدىڭ 2 توقسانىندا تٶسەلٸنەتٸنٸن ەسكەرتتٸ. .
2024 جىلدىڭ ەكٸنشٸ توقسانىندا «قايرات» شاعىن اۋداندا ەكٸنشٸ كەزەڭدەگٸ 40 شاقىرىم سۋ قۇبىرى جەنە كەرٸز جەلٸلەرٸن سالۋ جۇمىستارى باستالادى.
سۋ قۇبىرى جەنە كەرٸز جەلٸلەرٸن جوبالاۋ جۇمىستارى ەكٸ اۋداندا جالعاسۋدا.
تۇراقتى ەلەكترمەن قامتاماسىز ەتۋ ٷشٸن «شۋاقتى» شاعىن اۋدانىندا, سونداي-اق اعىمداعى جىلدىڭ جەلتوقسان ايىنا دەيٸن ەلەكتر جەلٸلەرٸن جاڭعىرتۋ جۇمىستارى اياقتالدى. سونىمەن قاتار «ەلمەرەك», «نۇرشاشقان», «قايرات» شاعىن اۋداندارىنداعى جەلٸلەر دە جاڭارتىلادى, سودان كەيٸن تۇرعىندار «اجك» اق جەلٸلەرٸ ارقىلى قىزمەت كٶرسەتۋگە كٶشەدٸ.
– بۇعان دەيٸن حابارلاعانىمىزداي, «تۇزدىباستاۋ» قوسالقى ستانساسىنىڭ قۇرىلىسى اياقتالىپ, قازٸر جەكەمەنشٸك ۋچاسكەلەردٸڭ يەلەرٸمەن شارتى جاسالۋدا. ولار ارقىلى جابدىقتاۋ جەلٸلەرٸ جٷرگٸزٸلۋدە. جۇمىستار وسى جىلدىڭ سوڭىنا دەيٸن اياقتالۋى تيٸس, – دەدٸ ەربولات دوساەۆ.
ەربولات دوساەۆ تٷركسٸب اۋدانى تۇرعىندارىمەن كەزدەسۋدە اۋدانداعى مەكتەپ تاپشىلىعى دا وڭ شەشٸمٸن تاۋىپ جاتقانىن ايتتى.
ايتالىق, 1 قىركٷيەكتە «قايرات» مٶلتەك اۋدانىندا 1500 ورىندىق جاڭا №211 مەكتەپ-گيمنازيياسى وقۋشىلارا ەسٸگٸن ايقارا اشقان بولاتىن. بۇدان باسقا تٷركسٸب اۋدانىنداعى №59 مەكتەپ-گيمنازيياسى 300 ورىندىق كەڭەيٸپ, بٸلٸم ورداسىنىڭ عيماراتىن سەيسميكالىق كٷشەيتۋ جۇمىستارى جٷرگٸزٸلٸپ جاتقانىن تٸلگە تيەك ەتتٸ. جۇمىس 2024 جىلدىڭ 1 توقسانىندا اياقتالادى.
– «جايلى مەكتەپ» ۇلتتىق جوباسى بويىنشا بيىلعى جىلدىڭ تٶرتٸنشٸ توقسانىندا 6100 ورىندىق تٶرت جاڭا مەكتەپتٸڭ قۇرىلىسى باستالادى, – دەدٸ ەربولات دوساەۆ.
الداعى ۋاقىتتا تٷركسٸب اۋداننىداعى №195 مەكتەپتٸڭ450 ورىندى قوسىمشا عيماراتىنىڭ قۇرىلىسى باستالادى. سونىمەن قاتار, №198 ورتا مەكتەپتە دە كەڭەيتٸپ جۇمىستارى قولعا الىنىپ, قوسىمشا 600 ورىندى عيمارات سالىنباقشى. ال №50 مەكتەپتٸڭ عيماراتىنا سەيسميكالىق كٷشەيتۋ جۇمىستارى جٷرگٸزٸلەدٸ. سونداي-اق, سەيسميكالىق نىعايتۋ جۇمىستارى اياقتالعاننان كەيٸن اعىمداعى جىلدىڭ قازان ايىندا №70 بالاباقشا-بٶبەكجاي جۇمىسىن قايتا باستايدى. 2023 جىلدىڭ سوڭىنا دەيٸن «قايرات» مٶلتەك اۋدانىندا 260 ورىندى مەملەكەتتٸك بالاباقشانىڭ قۇرىلىسى اياقتالادى.
