Almaty ákimi Erbolat Dosaev QHR-ǵa jumys sapary aiasynda Beijiń meri In Iýnmen kezdesti, - dep habarlaidy Dalanews.kz.
Kelissózderdiń basty taqyryptary — ekologiia, kólik júiesin damytý jáne jaily qalalyq orta qalyptastyrý.
In Iýnniń aitýynsha, sońǵy 20 jylda Beijiń ziiandy shyǵaryndylardy aitarlyqtai tómendetti. Bul oilastyrylǵan ekologiialyq saiasattyń, ǵylymi ádisterdiń jáne tehnologiialyq innovatsiialardyń jemisi. Qala ekologiialyq kólikti damytyp, ekologiialyq talaptarǵa sai kelmeitin avtokólikterdiń qozǵalysyn shektep, qalalyq infraqurylymdy jańǵyrtý sharalaryn júzege asyrdy.
Óz kezeginde Erbolat Dosaev Almatyda ekologiiany jaqsartý boiynsha birqatar bastama júzege asyrylyp jatqanyn atady. Olardyń qatarynda jańartylǵan Bas jospar, qoǵamdyq kólikti damytý jáne qala ortalyǵyndaǵy qurylystyń tyǵyzdyǵyn tómendetý bar.
Taraptar yntymaqtastyqty nyǵaitýǵa ýaǵdalasty, bul Qazaqstan men Qytaidyń eń iri eki qalasynyń ekonomikalyq ósýine jáne turaqty damýyna yqpal etpek.
