الماتى اكىمى ەربولات دوسايەۆ قحر-عا جۇمىس ساپارى اياسىندا بەيجىڭ مەرى ين يۋنمەن كەزدەستى، - دەپ حابارلايدى Dalanews.kz.
كەلىسسوزدەردىڭ باستى تاقىرىپتارى — ەكولوگيا، كولىك جۇيەسىن دامىتۋ جانە جايلى قالالىق ورتا قالىپتاستىرۋ.
ين ءيۋننىڭ ايتۋىنشا، سوڭعى 20 جىلدا بەيجىڭ زياندى شىعارىندىلاردى ايتارلىقتاي تومەندەتتى. بۇل ويلاستىرىلعان ەكولوگيالىق ساياساتتىڭ، عىلىمي ادىستەردىڭ جانە تەحنولوگيالىق يننوۆاسيالاردىڭ جەمىسى. قالا ەكولوگيالىق كولىكتى دامىتىپ، ەكولوگيالىق تالاپتارعا ساي كەلمەيتىن اۆتوكولىكتەردىڭ قوزعالىسىن شەكتەپ، قالالىق ينفراقۇرىلىمدى جاڭعىرتۋ شارالارىن جۇزەگە اسىردى.
ءوز كەزەگىندە ەربولات دوسايەۆ الماتىدا ەكولوگيانى جاقسارتۋ بويىنشا ءبىرقاتار باستاما جۇزەگە اسىرىلىپ جاتقانىن اتادى. ولاردىڭ قاتارىندا جاڭارتىلعان باس جوسپار، قوعامدىق كولىكتى دامىتۋ جانە قالا ورتالىعىنداعى قۇرىلىستىڭ تىعىزدىعىن تومەندەتۋ بار.
تاراپتار ىنتىماقتاستىقتى نىعايتۋعا ۋاعدالاستى، بۇل قازاقستان مەن قىتايدىڭ ەڭ ءىرى ەكى قالاسىنىڭ ەكونوميكالىق وسۋىنە جانە تۇراقتى دامۋىنا ىقپال ەتپەك.
