Ulttyq ulannyń áskerı bóliminde aýyr bas jaraqatyn alǵan merzimdi áskerı qyzmetshi Erbaıan Muhtar isi boıynsha tergeý qalaı júrip jatqanyn bas áskerı prokýrordyń birinshi orynbasary Maqsat Qazıev baıandady, dep habarlaıdy Dalanews.kz.
"Qazirgi ýaqytta jedel-tergeý sharalary júrgizilip jatyr, tıisti saraptamalar taǵaıyndaldy. Saraptamalardyń qorytyndylary men tergeý nátıjeleri, barlyq jınalǵan dálelder men faktilerdiń jıyntyǵy negizinde sheshim qabyldanady. Búgingi tańda tergeý nátıjelerine qatysty pikir bildire almaımyz, sebebi bul kóptegen adamdardyń múddelerine áser etedi. Tergeý Bas prokýratýranyń, bas áskerı prokýrordyń jáne Ulttyq ulannyń erekshe baqylaýynda", dedi Qazıev.
Ol "naqty bir kúdiktiler joq, biraq anyqtalǵan adamdar toby bar" ekenin atap ótti.
Erbaıan Muhtar 2024 jyldyń jeltoqsan aıynda aýrýhanaǵa tústi. Ulttyq ulannyń áskerı bólimindegiler ata-anasyna onyń ájethanada qulap, basyn plıtkaǵa soqqanyn aıtqan. Alaıda, olar bul nusqaǵa senbeı, Erbaıannyń soqqyǵa jyǵylǵanyn dáleldeýge tyrysty.
Qazaqstandyqtar jas sarbazdyń emine 230 mıllıon teńge kóleminde qarajat jınady. Qazirgi ýaqytta Muhtar Astanada, ol Túrkıada emniń alǵashqy kezeńin aıaqtady.
