ۇلتتىق ۇلاننىڭ اسكەري بولىمىندە اۋىر باس جاراقاتىن العان مەرزىمدى اسكەري قىزمەتشى ەربايان مۇحتار ءىسى بويىنشا تەرگەۋ قالاي ءجۇرىپ جاتقانىن باس اسكەري پروكۋروردىڭ ءبىرىنشى ورىنباسارى ماقسات قازييەۆ باياندادى، دەپ حابارلايدى Dalanews.kz.
"قازىرگى ۋاقىتتا جەدەل-تەرگەۋ شارالارى جۇرگىزىلىپ جاتىر، ءتيىستى ساراپتامالار تاعايىندالدى. ساراپتامالاردىڭ قورىتىندىلارى مەن تەرگەۋ ناتيجەلەرى، بارلىق جينالعان دالەلدەر مەن فاكتىلەردىڭ جيىنتىعى نەگىزىندە شەشىم قابىلدانادى. بۇگىنگى تاڭدا تەرگەۋ ناتيجەلەرىنە قاتىستى پىكىر بىلدىرە المايمىز، سەبەبى بۇل كوپتەگەن ادامداردىڭ مۇددەلەرىنە اسەر ەتەدى. تەرگەۋ باس پروكۋراتۋرانىڭ، باس اسكەري پروكۋروردىڭ جانە ۇلتتىق ۇلاننىڭ ەرەكشە باقىلاۋىندا"، دەدى قازييەۆ.
ول "ناقتى ءبىر كۇدىكتىلەر جوق، ءبىراق انىقتالعان ادامدار توبى بار" ەكەنىن اتاپ ءوتتى.
ەربايان مۇحتار 2024 جىلدىڭ جەلتوقسان ايىندا اۋرۋحاناعا ءتۇستى. ۇلتتىق ۇلاننىڭ اسكەري بولىمىندەگىلەر اتا-اناسىنا ونىڭ اجەتحانادا قۇلاپ، باسىن پليتكاعا سوققانىن ايتقان. الايدا، ولار بۇل نۇسقاعا سەنبەي، ەرباياننىڭ سوققىعا جىعىلعانىن دالەلدەۋگە تىرىستى.
قازاقستاندىقتار جاس ساربازدىڭ ەمىنە 230 ميلليون تەڭگە كولەمىندە قاراجات جينادى. قازىرگى ۋاقىتتا مۇحتار استانادا، ول تۇركيادا ەمنىڭ العاشقى كەزەڭىن اياقتادى.
