Erbaian Muhtar isindegi qorǵaýshy Inga Imanbai men ata-anasy iste kúdikti joq degenge pikir bildirdi, dep habarlaidy Dalanews.kz.
Inga Imanbai prokýror aitqan málimdemeniń barlyǵyn olar bir ai buryn jariialaǵanyn aitty. Onyń ishinde, áli kúnge deiin eshkim kúdikti retinde tanylmaǵany jáne protsessýaldyq sheshimder qabyldanbaǵany týraly aqparat bar. Iste tekserýge alynǵan tulǵalar bar, onyń ishinde qorǵaý quqyǵyna ie kýágerler – olar kúdikti mártebesine bir qadam qaldy degen sóz. Biraq tergeý organdary ooarǵa qatysty sheshim qabyldaýǵa asyǵar emes.
"Bizde bul isti tergeý aqiqatty anyqtaý úshin emes, qoǵamnyń nazaryn eskere otyryp qana júrgizip jatqandai áser qalyptasty. Isti jabýǵa buǵan deiin de talpynys bolǵan – tek Erbaiannyń ata-anasy maǵan júgingennen keiin ǵana tergeý qaita jandandyrylǵan. Sondyqtan, tergeýdiń jalǵasýy tek qoǵamdyq rezonans pen sizderdiń qoldaýlaryńyzdyń arqasynda múmkin boldy. Qazirgi tańda bizdiń oiymyzsha, tergeýshiler Erbaiannyń esin jiyp, ózi birdeńe aitqanyn kútip otyr. Biraq biz istiń ádil qaralýy úshin kúresemiz – ashyq sot protsesin ótkizýge jáne barlyq kinálilerdi, sonyń ishinde jaýapty ofitserlerdiń jazalanýy úshin aianbaimyz, delingen málimdemede.
Inga Imanbai nelikten qoldaý mańyzdy ekenin túsindirdi.
"Bul istiń jabylmaýy jáne shyndyqtyń ashylýy tek qoǵamnyń nazarynda ustaý arqyly múmkin bolady. Sol sebepti, bul iske bei-jai qaramai, qoldaý kórsetken árbir janǵa alǵysymyzdy bildiremiz. Sonymen qatar, biz Erbaiannyń tezirek saýyǵyp ketýin tileimiz. Ol emdeýdiń birinshi kezeńinen ótti jáne jaqyn arada ońaltý protsesin bastaidy. Osyǵan bailanysty, onyń emine qarajat jinaý áli de jalǵasýda", deidi Inga Imanbai.
Erbaian Muhtar 2024 jyldyń jeltoqsan aiynda aýrýhanaǵa tústi. Ulttyq ulannyń áskeri bólimindegiler ata-anasyna onyń ájethanada qulap, basyn plitkaǵa soqqanyn aitqan. Alaida, olar bul nusqaǵa senbei, Erbaiannyń soqqyǵa jyǵylǵanyn dáleldeýge tyrysty.
Qazaqstandyqtar jas sarbazdyń emine 230 million teńge kóleminde qarajat jinady. Qazirgi ýaqytta Muhtar Astanada, ol Túrkiiada emniń alǵashqy kezeńin aiaqtady.
