Eýroodaq 2025 jyly aqpanda reseilik áskerdiń Ýkrainaǵa basyp kirýine 3 jyl tolýyna orai Resei qarsy sanktsiialardyń 16-paketin engizgeli jatyr. Olar buǵan deiin timegen nemese qajetti deńgeide qozǵalmaǵan ekonomikalyq sektorlarǵa, sondai-aq «reseilik propaganda rejimin qoldaityn jáne Ýkrainanyń aýmaqtyq tutastyǵynyń buzylýyna jaýapty» adamdar men uiymdarǵa qarsy baǵyttalmaq, dep jazady Dalanews.kz.
Bul týraly nemistiń DW basylymy Welt am Sonntag-qa silteme jasap, habarlaidy.
Eýroodaq bul sanktsiialar paketin ázirleýge ótken jumada kirisip ketipti. Naqtyraq aitqanda, Eýrokomissiia men Eýropalyq qyzmet Resei úshin tyńshylyq etken, jalǵan aqparatty taratý boiynsha jumys istegen tulǵalardyń aktivterin buǵattap, Eýropaǵa kirýge tyiym salmaq.
Buǵan deiin 16 jeltoqsanda Eýroodaq Reseige qarsy 15-shi sanktsiialar paketin bekitken. Ol, negizinen, Reseidiń áskeri ónerkásibine baǵyttalǵan. Onyń aiasynda Qytai, Úndistan, Iran, Serbiia jáne BAÁ-degi 32 uiymǵa jáne 54 tulǵanyń aktivterine shekteý qoiyldy. Onyń ishinde Soltústik Koreianyń eki shendisi de bar. Sondai-aq, shekteýler basqa elderdiń 52 tankerin de qamtyp otyr, endi olarǵa porttarǵa kirýge tyiym salynady, teńiz tasymalymen bailanysty qyzmetterdiń keń spektrinen qaǵylatyn bolady. Eýroodaq olar Máskeýge sanktsiiany ainalyp ótkizýge kómektesip jatyr dep esepteidi.
