Ýkrainalyq drondardyń Orynbor gaz óńdeý zaýytyna jasaǵan shabýyldary týraly aqparattan keiin Qazaqstanda gaz tapshylyǵy týyndaýy múmkin degen alańdaýshylyq paida boldy, dep habarlaidy dalanews.kz.
Sarapshylardyń aitýynsha, buǵan Qarashyǵanaq ken ornynan óndiriletin shiki gazdyń bir bóligi Reseidegi Orynbor gaz óńdeý zaýytyna jiberilip, óńdelgennen keiin daiyn ónim retinde Qazaqstanǵa qaitarylatyny sebep bolǵan.
Gaz jetkizýge qatysty qaýipter talqylana bastaǵannan keiin Energetika ministrligi resmi málimdeme jasap, azamattardy dúrbeleńge berilmeýge shaqyrdy.
Vedomstvonyń málimetinshe, atalǵan oqiǵa qazaqstandyq tutynýshylardy gazben qamtamasyz etýge áser etken joq.
«Otyn kólemi basqa kózder esebinen úzdiksiz tolyqtyrylyp otyr. Qazaqstannyń gaz infraqurylymy shtattyq rejimde jumys istep tur. Ishki naryq energetikalyq resýrstarmen tolyq qamtamasyz etilgen. Jaǵdai Energetika ministrligi men ulttyq operatordyń turaqty baqylaýynda», – dedi Energetika ministriniń keńesshisi ári ministrliktiń resmi ókili Ásel Serikbaeva.
Ministrlik eldegi gaz júiesi qalypty jumysyn jalǵastyryp jatqanyn jáne tutynýshylar úshin gaz jetkizý boiynsha eshqandai qaýip joq ekenin atap ótti.
