ۋكراينالىق درونداردىڭ ورىنبور گاز ٶڭدەۋ زاۋىتىنا جاساعان شابۋىلدارى تۋرالى اقپاراتتان كەيٸن قازاقستاندا گاز تاپشىلىعى تۋىنداۋى مٷمكٸن دەگەن الاڭداۋشىلىق پايدا بولدى, دەپ حابارلايدى dalanews.kz.
ساراپشىلاردىڭ ايتۋىنشا, بۇعان قاراشىعاناق كەن ورنىنان ٶندٸرٸلەتٸن شيكٸ گازدىڭ بٸر بٶلٸگٸ رەسەيدەگٸ ورىنبور گاز ٶڭدەۋ زاۋىتىنا جٸبەرٸلٸپ, ٶڭدەلگەننەن كەيٸن دايىن ٶنٸم رەتٸندە قازاقستانعا قايتارىلاتىنى سەبەپ بولعان.
گاز جەتكٸزۋگە قاتىستى قاۋٸپتەر تالقىلانا باستاعاننان كەيٸن ەنەرگەتيكا مينيسترلٸگٸ رەسمي مەلٸمدەمە جاساپ, ازاماتتاردى دٷربەلەڭگە بەرٸلمەۋگە شاقىردى.
ۆەدومستۆونىڭ مەلٸمەتٸنشە, اتالعان وقيعا قازاقستاندىق تۇتىنۋشىلاردى گازبەن قامتاماسىز ەتۋگە ەسەر ەتكەن جوق.
«وتىن كٶلەمٸ باسقا كٶزدەر ەسەبٸنەن ٷزدٸكسٸز تولىقتىرىلىپ وتىر. قازاقستاننىڭ گاز ينفراقۇرىلىمى شتاتتىق رەجيمدە جۇمىس ٸستەپ تۇر. ٸشكٸ نارىق ەنەرگەتيكالىق رەسۋرستارمەن تولىق قامتاماسىز ەتٸلگەن. جاعداي ەنەرگەتيكا مينيسترلٸگٸ مەن ۇلتتىق وپەراتوردىڭ تۇراقتى باقىلاۋىندا», – دەدٸ ەنەرگەتيكا مينيسترٸنٸڭ كەڭەسشٸسٸ ەرٸ مينيسترلٸكتٸڭ رەسمي ٶكٸلٸ ەسەل سەرٸكباەۆا.
مينيسترلٸك ەلدەگٸ گاز جٷيەسٸ قالىپتى جۇمىسىن جالعاستىرىپ جاتقانىن جەنە تۇتىنۋشىلار ٷشٸن گاز جەتكٸزۋ بويىنشا ەشقانداي قاۋٸپ جوق ەكەنٸن اتاپ ٶتتٸ.
