Qazaqstanda jeke tulǵalar úshin nesıeni merziminen buryn óteýge salynatyn aıyppuldar alynyp tastaldy, dep habarlaıdy Dalanews.kz.

Endi qazaqstandyqtar tutynýshylyq nesıelerin merziminen buryn aıyppulsyz óteı alady. Bul ózgeris tek jańa kelisimsharttarǵa emes, buryn jasalǵan barlyq kredıttik sharttarǵa da qoldanylady. Jańa tártip qaryz alýshylarǵa artyq paıyz shyǵynyn qysqartyp, qaryzdy jyldam jabýǵa múmkindik beredi.

Merziminen buryn óteletin soma tolyq ta, ishinara da bolýy múmkin. Degenmen bankter ishki rásimderin saqtaýǵa quqyly: eń tómengi tólem mólsherin belgileý, ótinish qabyldaý merzimin kórsetý jáne qaıta esepteý júrgiziletin kúnderdi anyqtaý.

Bul sheshim azamattardyń qarjylyq júktemesin jeńildetýge baǵyttalǵan.