قازاقستاندا جەكە تۇلعالار ٷشٸن نەسيەنٸ مەرزٸمٸنەن بۇرىن ٶتەۋگە سالىناتىن ايىپپۇلدار الىنىپ تاستالدى, دەپ حابارلايدى Dalanews.kz.
ەندٸ قازاقستاندىقتار تۇتىنۋشىلىق نەسيەلەرٸن مەرزٸمٸنەن بۇرىن ايىپپۇلسىز ٶتەي الادى. بۇل ٶزگەرٸس تەك جاڭا كەلٸسٸمشارتتارعا ەمەس, بۇرىن جاسالعان بارلىق كرەديتتٸك شارتتارعا دا قولدانىلادى. جاڭا تەرتٸپ قارىز الۋشىلارعا ارتىق پايىز شىعىنىن قىسقارتىپ, قارىزدى جىلدام جابۋعا مٷمكٸندٸك بەرەدٸ.
مەرزٸمٸنەن بۇرىن ٶتەلەتٸن سوما تولىق تا, ٸشٸنارا دا بولۋى مٷمكٸن. دەگەنمەن بانكتەر ٸشكٸ رەسٸمدەرٸن ساقتاۋعا قۇقىلى: ەڭ تٶمەنگٸ تٶلەم مٶلشەرٸن بەلگٸلەۋ, ٶتٸنٸش قابىلداۋ مەرزٸمٸن كٶرسەتۋ جەنە قايتا ەسەپتەۋ جٷرگٸزٸلەتٸن كٷندەردٸ انىقتاۋ.
بۇل شەشٸم ازاماتتاردىڭ قارجىلىق جٷكتەمەسٸن جەڭٸلدەتۋگە باعىتتالعان.
