Esik qalasynyń 4-shaǵyn aýdanynda ornalasqan kóp qabatty úıdiń kiltterin aýdan ákimi Qýanyshbek Qashqymbaev tabys etti.
Aýdannyń turǵyn úı kezeginde turǵan azamattardyń búgingi kúni 24-ine páter kiltteri tabystalǵan bolsa, qalǵan 36-sy jaqyn arada komısıa sheshimimen tapsyrylatyn bolady.
Olardyń qatarynda kópbalaly, az qamtylǵan otbasylar jáne jetim balalar bar.
Baspana qurylysyna memlekettik búdjetten 709 mıllıon teńge bólindi.
Kóp qabatty úıdiń mańynda 3 mektep, aýdandyq aýrýhana, polısıa bólimi, halyqqa qyzmet kórsetý ortalyǵy (HQO) jáne basqa da memlekettik mekemeler jaqyn ornalasqan.
«Aýdanda kóp balaly otbasylar sanatynan, jetim balalardan, ata-anasynyń qamqorlyǵynsyz qalǵan balalardan, halyqtyń áleýmettik osal toptarynan, turǵyn úıi apatty dep tanylǵan azamattardan, memlekettik qyzmetkerlerden, búdjettik uıymdardyń qyzmetkerlerinen turǵyn úı kezeginde jalpy sany 2581 adam kezekte tur. Búgingi tańda 30 kópqabatty eki turǵyn úı salynýda, aldaǵy jyldary 180 otbasyǵa arnalǵan 3 kópqabatty turǵyn úı salý josparlanýda»- dedi aýdan ákimi Qýanyshbek Qashqymbaev.
