ەسىك قالاسىنىڭ 4-شاعىن اۋدانىندا ورنالاسقان كوپ قاباتتى ءۇيدىڭ كىلتتەرىن اۋدان اكىمى قۋانىشبەك قاشقىمبايەۆ تابىس ەتتى.
اۋداننىڭ تۇرعىن ءۇي كەزەگىندە تۇرعان ازاماتتاردىڭ بۇگىنگى كۇنى 24-ىنە پاتەر كىلتتەرى تابىستالعان بولسا، قالعان 36-سى جاقىن ارادا كوميسسيا شەشىمىمەن تاپسىرىلاتىن بولادى.
ولاردىڭ قاتارىندا كوپبالالى، از قامتىلعان وتباسىلار جانە جەتىم بالالار بار.
باسپانا قۇرىلىسىنا مەملەكەتتىك بيۋدجەتتەن 709 ميلليون تەڭگە ءبولىندى.
كوپ قاباتتى ءۇيدىڭ ماڭىندا 3 مەكتەپ، اۋداندىق اۋرۋحانا، پوليسيا ءبولىمى، حالىققا قىزمەت كورسەتۋ ورتالىعى (حقو) جانە باسقا دا مەملەكەتتىك مەكەمەلەر جاقىن ورنالاسقان.
«اۋداندا كوپ بالالى وتباسىلار ساناتىنان، جەتىم بالالاردان، اتا-اناسىنىڭ قامقورلىعىنسىز قالعان بالالاردان، حالىقتىڭ الەۋمەتتىك وسال توپتارىنان، تۇرعىن ءۇيى اپاتتى دەپ تانىلعان ازاماتتاردان، مەملەكەتتىك قىزمەتكەرلەردەن، بيۋدجەتتىك ۇيىمداردىڭ قىزمەتكەرلەرىنەن تۇرعىن ءۇي كەزەگىندە جالپى سانى 2581 ادام كەزەكتە تۇر. بۇگىنگى تاڭدا 30 كوپقاباتتى ەكى تۇرعىن ءۇي سالىنۋدا، الداعى جىلدارى 180 وتباسىعا ارنالعان 3 كوپقاباتتى تۇرعىن ءۇي سالۋ جوسپارلانۋدا»- دەدى اۋدان اكىمى قۋانىشبەك قاشقىمبايەۆ.
