ShQO Aimaqtyq kommýnikatsiialar qyzmetinde uiymdastyrylǵan baspasóz máslihatynda ShQO Halyqty jumyspen qamtý jáne áleýmettik baǵdarlamalardy úilestirý basqarmasy basshysynyń orynbasary Doshan Qaiyrǵazinov biyl Shyǵys Qazaqstan oblysy boiynsha «Eńbek» áleýmettik baǵdarlamasyna júzege asyrý barysynda 11,7 mlrd teńge baǵyttalyp, kóptegen áleýmettik baǵdarlamalar memleket tarapynan úlken qoldaýǵa ie bolǵanyn alǵa tartty.
Aitalyq, jyl basynan atalymysh baǵdaralaǵa qatysýshylardyń sany 31 myń adamdy qurap, 26 myń adam jumysqa ornalasqan. Osy rette olardyń 16 myńy turaqty jumyspen qamtylǵanyn aita ketýimiz kerek.
«Eńbek» baǵdarlamasy jumyssyz júrgen azamattardy qysqa merzimdi oqytý kýrstarynan ótkizýdi kózdeidi. Bul baǵytta mektepti jańa bitirip esh jerde oqyp, mamandyq almaǵan jastarǵa kásiptik-tehnikalyq mamandyq berýge baǵyttalǵan. Óz kezeginde Doshan Qaiyrǵazinov 2018-2020 jyldar aralǵynda oqýǵa qabyldanǵan 4,5 myń jastyń 1,8 myńy biyl oqýyn aiaqtaǵan.
Sala basshysy oqý bitirgen jastardyń 1,6 myńy jyl aiaǵyna deiin jumysqa qabyldanatynyn alǵa tartty. Al jańa kásipti meńgerýge ańsary aýǵan 1730 jas 2021 jyldyń 1 qyrkúieginen bastap oqýǵa qabyldanǵan.
Sonymen qatar biyl qysqa merzimdi oqý kýrstaranya 1,5 myń adam qabyldanyp, olardyń 1,2 myńy oqýyn aiaqtaǵan. Qysqa merzimdi oqý kýrstarynan jańa mamandyqty meńgergen myń adam jumysqa ornalasqanyn aita ketýimiz kerek.
